नेपालको लगानी वृद्धि र आर्थिक वृद्धिको अनुपात सन्तोषजनक छैन : विश्व बैंक

कात्तिक १५, २०७५ बिहीबार १७:३५:५४ | उज्यालो सहकर्मी

काठमाडौं – विश्व बैंकले नेपाल विकाससम्बन्धी प्रतिवेदन सार्वजनिक गर्दै नेपालको लगानी वृद्धि र आर्थिक वृद्धिको अनुपात सन्तोषजनक नरहेको जनाएको छ ।

बिहीबार प्रतिवेदन सार्वजनिक कार्यक्रममा बोल्दै विश्व बैंकका नेपाल निर्देशक चिमाओ फ्यानले स्थिर सरकार भए पनि सोचे अनुसारको लगानी मैत्री वातावरण बन्न नसकेको बताउनुभएको हो । उहाँले राजनीतिक अस्थिरता समाप्त पारी पूर्वाधार निर्माण गर्दै निजी क्षेत्रसँग साझेदारी गर्नका लागि नीतिगत सुधारमा ध्यान दिन सुझाव दिनुभयो ।

कार्यक्रममा अर्थमन्त्री युवराज खतिवडाले ६० प्रतिशत भन्दा बढी लगानी निजी क्षेत्रबाट भएकाले सरकार निजी क्षेत्रसँग हातेमालो गर्न सधैँ तयार रहेको स्पष्ट पार्नुभयो ।

निजी क्षेत्रलाई आकर्षित गर्नका लागि नीतिगत सुधार गर्नुको साथै व्यावसायिक वातावरण बनाउनका लागि सरकार प्रतिवद्ध रहेको बताउनुभयो । विकास र लगानीका विषयमा प्रतिवेदनमा उल्लेखित तथ्याङ्क केही तल माथि देखिए पनि श्रमिकको उत्तरदायित्वको साथै बजार नियन्त्रण लगायतका विषय सरकारले नै हेर्नुपर्ने भएकाले केही समय लागेको तर्क गर्नुभयो ।

उहाँले निजी क्षेत्रले उठाउदै आएका करका विषयलाई पुनर्विचार गर्न तयार रहेको उल्लेख गर्दै सामाजिक उत्तरदायित्व वहन गरी पारदर्शी हुन निजी क्षेत्रलाई सुझाव दिनुभयो ।

प्रतिवेदनमा विश्व व्यापार गर्न सहज १९० देशहरुको सूचीमा नेपाल १ सय ५ औ स्थानमा परेको उल्लेख छ ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्