वैदेशिक रोजगारीबाट फर्कँदा लगेज आएन, हरायो वा टुटफुट भयो भने यी ठाउँमा सम्पर्क गर्नुहोस्

 असोज १७, २०८० बुधबार १७:५:५३ | उज्यालो सहकर्मी
unn.prixa.net

फाइल तस्बिर

काठमाण्डौ – तपाईँ वैदेशिक रोजगारीबाट फर्कँदा तपाईँ आएकै जहाजमा तपाईँको लगेज(झोला) आएन, हरायो वा टुटफुट भयो भने विमानस्थलमा तोकिएको ठाउँमा सम्पर्क गर्नुपर्छ ।

त्रिभुवन अन्तर्राष्ट्रिय विमानस्थलका अनुसार वैदेशिक रोजगारीबाट फर्कँदा लगेज प्राप्त भएन, बीचबाटो बाटै हरायो वा टुटफुट भयो भने सामान लिने क्षेत्र छाड्नुअघि नै सम्बन्धित वायुसेवा कम्पनीका कर्मचारी वा नेपाल वायुसेवा निगमको लस्ट एण्ड फाउण्ड(lost and found)  काउन्टरमा तुरुन्तै सम्पर्क गर्नु पर्छ । काउन्टरमा आफ्नो समस्याबारे जतिसक्दो छिटो जानकारी गराउन विमानस्थलले भनेको छ ।

आफ्नो लगेजको बारेमा जानकारी गराएपछि यदि लगेज नआएको हो भने यस सम्बन्धमा  सम्बन्धित वायुसेवा कम्पनीका कर्मचारी वा नेपाल वायुसेवा निगमले लगेज प्राप्त हुनासाथ सम्बन्धित यात्रुलाई सम्पर्क गरेर जानकारी दिने विमानस्थलले जनाएको छ । 

सामान हराएको वा टुटफुट भई लगेज प्राप्त भयो भने क्षतिपूर्तिका लागि सम्बन्धित वायुसेवा कम्पनीमा दाबी गर्न सकिने व्यवस्था पनि छ । नेपाल वायुसेवाको हकमा भने यात्रुले एनएसी कस्टुमर सर्भिसेस् डिर्पाटमेन्टमा अनुरोध गर्न सक्छन् ।

यदि यात्राको क्रममा यात्रा बिमा गरिएको छ भने ब्यागेज बुझ्ने ठाउँमा पाएको रिपोर्टको आधारमा बिमा पनि दाबी गर्न सकिन्छ ।

यस्तै विमानस्थलमा सामान हराएमा विमानस्थलमा रहेको lost and found unit मा सम्पर्क गर्नुपर्छ । अथवा ९७७१४११३१६३ मा टेलिफोन गर्न सकिन्छ । यसका साथै [email protected] मा इमेल गरी खबर गर्न सकिन्छ । 

अन्तिम अपडेट: मंसिर ११, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

खाँडाचक्र नगरपालिकाका निमित्त प्रमुख प्रशासकीय अधिकृत जिम्मेवारीबाट हटाइए

४

चितवन राइनोजका समर्थकलाई निःशुल्क बस र खाजाको व्यवस्था

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई