पासाेमा परेकाे चितुवा नरभक्षी हो, हैन पत्ता लगाउन चितुवाको डीएनए परीक्षण हुँदै

कात्तिक २८, २०७५ बुधबार १४:३७:२० | प्रेमनारायण आचार्य

अर्घाखाँची – अर्घाखाँचीको ढिकुरा पियाले खोलामा थापेको पासोमा परेर मरेको चितुवा नरभक्षी हो हैन भनेर पत्ता लगाउन डीएनए जाँचको लागि पठाइएको छ ।

चिुतुवा नरभक्षी हो हैन भनेर पत्ता लगाउन पासोमा परि उद्धारको क्रममा मरेको चितुवाको रगत, र्‍याल, बच्चाको रगत, जंगलमा बच्चा भेटिएको स्थानका विभिन्न नमूनाहरु परीक्षणका लागि काठमाडाैंमा रहेको प्रयोगशालामा पठाइएको सहायक वन अधिकृत शिला पोख्रेलले बताउनुभयाे ।

नरभक्षी चितुवाको आक्रमणले आतंकित बनेका अर्घाखाँचीका स्थानीयहरु चितुवा पासोमा परेर मरेपछि खुशी भएका छन् । चितुवा पासोमा परेपछि ढिकुरा, नुवाकोट, सन्धिखर्क, खाँचीकोट लगायतका स्थानीयहरु अत्यन्तै हर्षित भएका हुन् । तर नरभक्षी चितुवा हो हैन भनेर पत्ता लगाउन डीएनए परीक्षणको लागि पठाइएको हो ।

नरभक्षी चितुवाले पछिल्लो पाँच वर्षमा अर्घाखाँचीमा दुइ दर्जन बालबालिकालाई आक्रमण गरेको छ । जस्का कारण १४ जनाको ज्यान गएको र १० जना घाइते उपचारपछि निको भएको प्रमुख जिल्ला अधिकारी खिमराज भुसालले बताउनुभयो ।

चितुवा आतंक बढ्दै गएपछि सन्धिखर्क, किमडाँडा, अर्घा, खाचिकोट, ढिकुरा, नुवाकोट, लगायतका स्थानीय बासिन्दा त्रसित भएका छन् ।

चितुवाको डरले गाँउ छाडन बाध्य भएको र चेलीबेटी तथा आफन्तहरु बालबच्चा लिएर ढिकुरा, कुर, किमडाँडा, नुवाकोट लगायतका स्थानमा आउन छाडेको समयमा ढिकुराको पियाले खोलामा राखेको पासोमा चितुवा परेको र उद्धारको क्रममा मरेको हो ।

गएको शनिबार साँझ नरभक्षी चितुवाको आक्रमणबाट ढिकुराको पियालेमा ४ वर्षीय बालकको ज्यान गएपछि नरभक्षी चितुवा मार्न प्रहरी परिचालन गरिएको थियो ।

स्थानीयहरुले चितुवा पासोमा पार्न बाघ खोर (पासो) थापेका थिए । त्यही पासोमा चितुवा परेको बताइएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्