आठ महिनामा झण्डै पाँच लाख नेपाली रोजगारीको लागि विदेश गए

विदेश जाने घटे पनि रेमिट्यान्स भने बढ्दो

चैत ३, २०८० शनिबार १५:२:१७ | उज्यालो सहकर्मी

काठमाण्डौ — चालु आर्थिक वर्ष २०८०/८१ को आठ महिनामा चार लाख ७१ हजारभन्दा धेरै नेपाली रोजगारीको लागि विदेश गएका छन् । वैदेशिक रोजगार विभागको तथ्याङ्कअनुसार साउनदेखि फागुनसम्ममा चार लाख ७१ हजार दुई सय १० जना नेपाली नागरिक कामको लागि विदेशिएका छन् । तर यो सङ्ख्या पोहोरको आठ महिनाको तुलनामा भने १३ प्रतिशतले कम हो ।

विभागका अनुसार गएको आथिर्क वर्षको साउनदेखि फागुनसम्ममा पाँच लाख ४० हजार ६ सय जना नेपाली कामको लागि विदेशिएका थिए । चालू आर्थिक वर्षको आठ महिनामध्ये सबैभन्दा धेरै मङ्सिरमा ७१ हजार दुई सय ७६ जना र सबैभन्दा कम कात्तिकमा ४३ हजार छ सय २२ जना विदेशिएका छन् ।

वैदेशिक रोजगारीका गन्तव्यमध्ये यूएई सबैभन्दा धेरै नेपालीको गन्तब्य बनेको छ । फागुनमा मात्रै १८ हजार सात सय सात जना नेपाली युवाहरु रोजगारीका लागि यूएई पुगेका छन् ।

विदेशिने नेपालीको सङ्ख्या घटे पनि रेमिट्यान्स भने बढेको छ । नेपाल राष्ट्र बैंकको तथ्यङ्क अनुसार चालू आर्थिक वर्षको सात महिनामा आठ खर्ब ३९ अर्ब रुपैयाँ रेमिट्यान्स भित्रिएको छ ।

रेमिट्यान्स गएको वर्षको सात महिनाको तुलनामा २१ दशमलव १६ प्रतिशतले बढेको हो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आठ महिनामा झण्डै पाँच लाख नेपाली रोजगारीको लागि विदेश गए

विदेश जाने घटे पनि रेमिट्यान्स भने बढ्दो

प्रतीकात्मक तस्बिर

तपाईको प्रतिक्रिया