रोमानिया, क्रोएशिया, माल्टालगायत देशबाट पोल्याण्ड र बुल्गेरिया पठाउने नाममा ठगी

माघ ५, २०८१ शनिबार ९:४३:० | उज्यालो सहकर्मी

काठमाण्डौ – रोमानिया, क्रोएशिया, माल्टालगायतका देशमा कार्यरत नेपालीहरुलाई विभिन्न प्रलोभन देखाएर पोल्याण्ड तथा बुल्गेरियामा गैरकानूनी ओसारपसार गरेर ठगी हुने क्रम बढेको छ ।

जर्मनीको बर्लिनमा नेपाली दूतावासले ‘अत्यन्त जरुरी सूचना’ निकालेर टिकटक, फेसबुकलगायत सामाजिक सञ्जालहरुको प्रयोग गरेर प्रलोभन बाँडिएको तथा झुटा विवरण प्रचारप्रसार गरेको पाइएको भन्दै सचेत रहन आग्रह गरेको छ ।

नेपालबाट विधिवतरुपमा जुन देशको लागि श्रमस्वीकृति लिएको हो त्यही देशमा कार्यरत रहन र यस्ता प्रलोभनमा नपर्न दूतावासले अनुरोध गरेको छ । दूतावासले यस्तो गैरकानूनी कार्यमा संलग्न नहुन र कोही संलग्न भएमा प्रमाणसहित दूतावासमा उजुरी दिन पीडितहरुलाई आह्वान पनि गरेको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)