Ujyaalo Online

देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः२० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ ! 

कार्यक्रम देश परदेशको ५६६औँ अंक

हरेक वर्ष आउने मजदुर दिवसमा श्रमिकको हकहित र न्यायको लागि आवाज उठ्छन् । श्रमिकको हीतमा काम गर्ने थुप्रै बाचा गरिन्छन् । तर आज पनि कयौं श्रमिक दिनरात भोकसँग लडिरहेका छन् । ज्यानको परवाह नगरी अनेक चुनौति र जोखिम मोल्न बाध्य छन् । देशपरदेशको यो अंकमा हामीले यस्तै यस्तै विविध बाध्यताको पहाडले घेरिएका श्रमिकका सुःखदुःखका अनुभवलाई समेट्ने जमर्को गरेका छौं । कार्यक्रममा काठमाण्डौको फोहोर उठाउने काम गर्दै आउनुभएका राजेन्द्र देउलासँगको कुराकानी सुन्न सक्नुहुन्छ । यस्तै जोखिमपूर्ण काम मानिने अस्पतालको सरसफाइमा खटिएका श्रमिक र भारि बोकेर गुजरा गर्ने मजदुरका कथा यो अंकमा सुन्न सक्नुहुन्छ । साथै वैदेशिक रोजगारीमा गएका श्रमिकका अनुभवलाई पनि कार्यक्रममा समेटेका छौँ ।