अमेरिकाले लगाएको कर विश्व अर्थतन्त्रलाई ठूलो धक्का : ईयू

विश्वका नेताहरूद्वारा चिन्ता व्यक्त, बदला लिने चीनको चेतावनी

चैत २१, २०८१ बिहीबार १५:९:३४ | एजेन्सी

युरोपेली सङ्घ (ईयू) की अध्यक्ष उर्सुला भान डेर लेयनले अमेरिकाले लगाएको भन्सार करलाई विश्व अर्थतन्त्रमा ठूलो धक्का भएको बताउनुभएको छ ।

ईयू प्रमुख लेयनले यसले गम्भीर परिणाम ल्याउने, विश्वव्यापी अर्थतन्त्रमा ठूलो क्षति पुर्‍याउने, अनिश्चितता बढ्ने र करोडौं मानिसले नोक्सान बेहोर्नुपर्ने बताउनुभएको बीबीसीले जनाएको छ । ईयू प्रमुखले अमेरिकी करलाई लिएर युरोपको एकतामा जोड दिनुभएको छ ।

यसैबीच अमेरिकी राष्ट्रपति डोनाल्ड ट्रम्पले करवृद्धिको घोषणा गरेपछि धेरै देशहरूले प्रतिक्रिया दिएका छन् । अमेरिकी करबाट सबैभन्दा प्रभावित बनेको चीनले बदला लिने चेतावनी दिएको छ ।

चीनको वाणिज्य मन्त्रालयले अमेरिकालाई एकतर्फी लगाइएका करहरू तत्काल फिर्ता लिन र आफ्ना साझेदारहरूसँग मिलेर व्यापारसम्बन्धी विवादको उचित समाधान वार्ताबाट निकाल्न आग्रह गरेको छ । चिनियाँ वाणिज्य मन्त्रालयका प्रवक्ताले चीनले यस निर्णयको कडा विरोध गर्ने तथा आफ्नो अधिकार र हितको रक्षा गर्न कडा कदम चाल्ने बताउनुभएको खबरमा उल्लेख छ ।

स्वीडेनका प्रधानमन्त्री उल्फ क्रिस्टर्सनले व्यापार युद्ध नचाहेको तथा अमेरिकासँग व्यापार र सहयोगको बाटोमा फर्कन चाहेको बताउनुभएको छ । दक्षिण कोरियाका कार्यवाहक राष्ट्रपति हान डक सुले विश्वव्यापी व्यापार युद्धको वास्तविकतालाई स्वीकार गर्दै यस व्यापार सङ्कटसँग जुध्न सरकारले आफ्नो सबै क्षमता प्रयोग गर्नुपर्ने बताउनुभयो ।

अमेरिकी नयाँ कर अनुसार चीनबाट आउने सामानहरूमा सबैभन्दा धेरै ५४ प्रतिशत भन्सार शुल्क लाग्नेछ । यस्तै जापानबाट आउने सामानहरूमा २४, भारतबाट आउने सामानहरूमा २६, दक्षिण कोरियाका लागि २५ प्रतिशत, बेलायतका लागि १० प्रतिशत र ईयूका लागि २० प्रतिशत भन्सार शुल्क लाग्नेछ । यस्तै अमेरिका भित्रिने सबै सामानहरूमा कम्तीमा १० प्रतिशत आयात शुल्क लाग्नेछ ।

अन्तिम अपडेट: चैत २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकाले लगाएको कर विश्व अर्थतन्त्रलाई ठूलो धक्का : ईयू

विश्वका नेताहरूद्वारा चिन्ता व्यक्त, बदला लिने चीनको चेतावनी

तस्वीर : एजेन्सी

तपाईको प्रतिक्रिया