यू–१९ क्रिकेट : अफगानिस्तानसँग नेपाल १ सय ३० रनले पराजित

चैत २१, २०८१ बिहीबार १६:५६:२ | उज्यालो सहकर्मी

काठमाण्डाै – अफगानिस्तानको १९ वर्षमुनिको टोलीसँगको पहिलो युथ एकदिवसीय अन्तर्राष्ट्रिय क्रिकेट प्रतियोगितामा नेपाली युवा टोली १ सय ३० रनले पराजित भएको छ ।

अफगानिस्तानले दिएको ३ सय १ रनको लक्ष्य पछ्याएको नेपाल ४६ ओभर २ बलमा १ सय ७० रन बनाउँदा अलआउट भयो । नेपालका निरजकुमार यादवले सबैभन्दा धेरै ५३ रन बनाए । अफगानिस्तानका वाहिदुल्लाह जाद्रन, जाईतुल्लाह शहीन र महबूब खानले २/२ विकेट लिए ।

यसअघि मूलपानी मैदानमा टस जितेर ब्याटिङ गरेको अफगानिस्तानले ५० ओभरमा ९ विकेट गुमाएर ३ सय रन बनायो । अफगानिस्तानका फैसल शिनोजादाले ९७, खालिद अहमदजाईले ७६ रन बनाए । नेपालका सन्तोष यादवले ३ विकेट लिए ।

यही महिना नेपालमै हुने आईसीसी १९ वर्षमुनिको विश्वकप छनोटको तयारी स्वरूप नेपालली युवा टोलीले अफगानिस्तानको १९ वर्षमुनिको टोलीसँग तीन खेलको अभ्यास शृङ्खला खेल्न लागेको हो । अभ्यास शृङ्खलाको दोस्रो खेल आउँदो आइतवार र तेस्रो तथा अन्तिम खेल आउँदो बुधवार हुनेछ ।

यसअघि नेपाली १९ वर्षमुनिको टोलीले दिल्लीको युवा टोलीसँग अभ्यास शृङ्खला खेलेको थियो । १९ वर्षमुनिको विश्वकप छनोट पनि मूलपानीमै हुनेछ ।

अन्तिम अपडेट: चैत २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

यू–१९ क्रिकेट : अफगानिस्तानसँग नेपाल १ सय ३० रनले पराजित

तस्वीर : क्यान

तपाईको प्रतिक्रिया