देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

कार्यक्रम देश परदेशको ५७५औँ अंक

Download

कार्यक्रम देश परदेशको अङ्क ५७५ पछिल्लो समय युरोप रोजगारीको नाममा बढेको ठगीको विविध पक्षमा केन्द्रित छ । कार्यक्रममा युरोप रोजगारीको प्रलोभनमा भएका विभिन्नखाले ठगीको स्वरूप समेटिएको सामग्री सुन्न सकिन्छ । युरोप रोजगारीको नाममा ठगी बढ्नुको कारण, युरोपका देशबाट नेपाली श्रमिकका लागि आउने कामको माग र औपचारिक माध्यममार्फत युरोप रोजगारीमा पठाउन किन सकिएन त भन्ने विषयमा नेपाल वैदेशिक रोजगार व्यवसायी सङ्घका अध्यक्ष राजेन्द्र भण्डारीसितको कुराकानी पनि कार्यक्रममा समावेश छ । साथै, पछिल्लो समय पर्यटकलाई घुमाउने ट्राभल एजेन्सी र शैक्षिक परामर्शका लागि खुलेका कन्सलटेन्सीहरुसमेत वैदेशिक रोजगार ठगीमा मुछिएका छन् । प्रयोजन एक तर अर्कै काम गर्ने यस्ता कन्सलटेन्सी र ट्राभल एजेन्सीहरुको अनुगमन र नियमनका लागि सम्बन्धित मन्त्रालय र विभागहरूले के गर्दै छन् त ? भन्ने विषयमा तयार पारिएको सामग्री पनि कार्यक्रममा समेटिएको छ । साथमा छ हप्ताभरिका श्रम तथा रोजगार गतिविधि पनि ।

देश परदेश (अडियाे)

कार्यक्रम देश परदेशको ५७५औँ अंक

अरु एपिसोडहरु