देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

कार्यक्रम देश परदेशको ५८६औँ अंक

Download

कार्यक्रम देश परदेशको अङ्क ५८६ मा वैदेशिक रोजगारीका समस्या समाधानका लागि प्रधानमन्त्रीले गर्नुभएको पछिल्लो उच्चस्तरीय छलफलमा केन्द्रित छ । कार्यक्रममा वैदेशिक रोजगारीको विषयमा प्रधानमन्त्री पुष्पकमल दाहाल प्रचण्डको अध्यक्षतामा बसेको उच्चस्तरीय बैठकमा उठेका विषय र समस्या समाधानका लागि तय भएको अबको बाटोबारे विस्तृत जानकारी, श्रम रोजगार तथा सामाजिक सुरक्षा मन्त्रालयका सहसचिव तथा वैदेशिक रोजगार व्यवस्थापन महाशाखा प्रमुख राजीव पोखरेलबाट सुन्न सक्नुहुन्छ । पछिल्लो समय नेपाली श्रमिकको रोजाइमा परेको युरोपेली देश रोमानीयामा पाइने काम, हुने कमाइ र त्यहाँको हावापानीबारे बारे विस्तृत जानकारीसँगै वैदेशिक रोजगारीमा आकर्षक तलब सुविधा भनी सामाजिक सञ्जालमा आएका कामको मागको सत्य तथ्य जाँच गर्ने केही उपायहरू पनि कार्यक्रममा समावेश छ । साथमा छ श्रम तथा रोजगार गतिविधि पनि ।

देश परदेश (अडियाे)

कार्यक्रम देश परदेशको ५८६औँ अंक

अरु एपिसोडहरु