देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

कार्यक्रम देश परदेश अंक ६३८

Download

नेपाल र मलेसियाबीच औपचारिकरूपमा श्रम सम्झौता हुनुअघि सन् १९९० को दशकदेखि नै कतिपय नेपाली भिजिट भिसामा मलेसिया गएको पनि विभिन्न संघ संस्थाले गरेको अध्ययनले देखाउँछ । मलेसियामा चौकीदारी वा सुरक्षा गार्डका लागि जाने नेपालीको संख्या धेरै छ । यसैगरी विभिन्न गार्मेन्ट फ्याक्ट्री, केमिकल्स कम्पनी तथा अरु जोमिमपूर्ण काममा पनि नेपालीहरु मलेसियामा खटिइरहेका छन् । मलेसियाको आधुनिक विकास र आर्थिक वृद्धिदरको तुलनामा श्रमिकको ज्याला कम छ भने तोकिएको समयभन्दा थप काम गर्नुपर्ने बाध्यता छ । कार्यक्रममा आज हामी मलेसियामा काम गरिरहेका श्रमिकले खेप्ने गरेको दुःख र अप्ठ्याराहरुबारे प्रवासी नेपाली समन्वय समितिका कार्यकारी निर्देशक सोम प्रसाद लामिछानेसँगको कुराकानी समावेश छ । साथै, सीप सिकेर बैदेशिक रोजगारीमा जाँदा हुने फाइदाबारे राष्ट्रिय व्यावसायिक प्रशिक्षण प्रतिष्ठानकी निर्देशक बिन्दा आचार्यसँगको कुराकानी पनि समावेश छ ।

देश परदेश (अडियाे)

कार्यक्रम देश परदेश अंक ६३८

अरु एपिसोडहरु