देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

कार्यक्रम देश परदेशको अंक ६४९

Download

सामाजिक सुरक्षा कोष रोजगार दाताको योगदानमा आधारित सामाजिक सुरक्षा उपलब्ध गराउने राज्यको संयन्त्र हो । यसले देशमा रहेका रोजगारदाता र बैदेशिक रोजगारमा रहेका श्रमिकलाई समावेश गरी काम गर्छ । सामाजिक सुरक्षा कोषले श्रमिकको आयको निरन्तरता सुनिश्चित गर्दछ । यो श्रमिकलाई पेन्सन र बीमा उपलब्ध गराउने प्रणाली हो । कार्यक्रमको अंक ६४९ मा हामीले सामाजिक सुरक्षा कोषबारे कुराकानी गरेका छौं । तपाईंले उज्यालोको फेसबुक पेज facebook.com/ujyaalo मा सामाजिक सुरक्षा कोषबारे पठाउनुभएको जिज्ञासा र प्रतिक्रियामा केन्द्रित रहेर छलफल गरेका र्छौं । तपाईंको जिज्ञासा र प्रतिक्रियाको समाधान सामाजिक सुरक्षा कोषका उप कार्यकारी निर्देशक विकेक पन्थी र निर्देशक उत्तमराज नेपालले गर्नुभएको छ ।

देश परदेश (अडियाे)

कार्यक्रम देश परदेशको अंक ६४९

अरु एपिसोडहरु