देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

447 Desh Paradesh 2021-01-19

Download

कार्यक्रम देश परदेशको ४४७ औं अंक मानसिक समस्या भोगिरहेका परदेशी र उनीहरुका परिवारका कथाव्यथासँगै यसलाई कम गर्न सुरक्षित आप्रवासन परियोजना सामीले गरिरहेको मनोपरामर्श कार्यक्रममा केन्द्रित छ । मनोपरामर्श पाएपछि मानसिक समस्यालाई जितेका र अहिले पनि समस्या भोगिरहेका परदेशी र परिवारका कथाव्यथा कार्यक्रममा सुन्न सकिन्छ । सामी परियोजना अन्तर्गत विभिन्न पालिकाहरुमा सञ्चालन भइरहेको मनोपरामर्श कार्यक्रम बारे सामीको आप्रवासी स्रोत केन्द्र तथा मनोपरामर्श कार्यक्रम संयोजक रोनी प्रधानसँग गरिएको कुराकानी कार्यक्रममा समावेश गरिएको छ । अनि, वैदेशिक रोजगारी र अन्य कारणले उत्पन्न मानसिक समस्या कम गर्न सरकारले गरिरहेको कामबारे स्वास्थ्य तथा जनसङ्ख्या मन्त्रालयका प्रमुख विशेषज्ञ डा. रोशन पोखरेलको भनाइ पनि कार्यक्रममा सुन्न सकिन्छ । साथमा छ हप्ताभरीका रोजगार गतिविधि पनि ।

देश परदेश (अडियाे)

447 Desh Paradesh 2021-01-19

अरु एपिसोडहरु