एमालेको महाधिवेशन प्रतिनिधि परिषद् बैठक आजदेखि

वैशाख ८, २०८१ शनिबार ९:२८:११ | उज्यालो सहकर्मी

काठमाण्डौ – नेकपा एमालेको राष्ट्रिय महाधिवेशन प्रतिनिधि परिषद् बैठक आजदेखि शुरु हुँदैछ । आज र भोलि ललितपुरको गोदावरीमा रहेको सनराइज सभाहलमा हुने बैठकमा दुई हजार चार सय ५४ प्रतिनिधि सहभागी हुने एमालेले जनाएको छ ।

एमालेका प्रचार विभाग प्रमुख राजेन्द्र गौतमका अनुसार सहभागीमध्ये दुई हजार ७३ जना महाधिवेशन प्रतिनिधि परिषद् सदस्य र तीन सय ८१ जना आयोजक छन् । परिषद् बैठकमा अध्यक्ष केपी शर्मा ओलीले राजनीतिक प्रतिवेदन र महासचिव शंकर पोखरेलले साङ्गठनिक प्रतिवेदन प्रस्तुत गर्ने तयारी छ ।

यस्तै केन्द्रीय अनुशासन आयोग, केन्द्रीय लेखा आयोग, केन्द्रीय निर्वाचन आयोग र केन्द्रीय सल्लाहकार परिषद्का तर्फबाट प्रतिवेदनहरू प्रस्तुत हुनेछन् । परिषद् बैठकमा यसअघि भएको मिसन ग्रासरुट अभियान, झुलाघाटदेखि चिवाभञ्ज्याङसम्मको अभियानलगायतका विषय पनि समीक्षा हुने एमालेले जनाएको छ ।

दुई दिने राष्ट्रिय महाधिवेशन प्रतिनिधि परिषद् बैठकमार्फत विगतका कामको विश्लेषण गर्दै भविष्यको मार्गचित्र खाका बनाउने एमालेको तयारी छ । दुई राष्ट्रिय महाधिवेशनको बीचमा आवश्यकताअनुसार परिषद् बैठक बस्ने एमालेको वैधानिक व्यवस्था छ ।

एमालेको महाधिवेशन २०७८ साल मङ्सिरमा भएको थियो । पाँच / पाँच वर्षमा हुने एमाले महाधिवेशन आउन अव २ वर्ष बाँकी छ । एमालेले प्रतिनिधि परिषद्को बैठकलाई प्रविधिमैत्री बनाउने तयारी गरेको छ । बैठकमा सहभागी हुने प्रतिनिधिले आफ्नो परिचयपत्र र नेताहरूले प्रस्तुत गर्ने दस्ताबेज मोबाइल एपबाटै हेर्न सक्ने र सहभागीहरूको सुझाव समेत एपबाटै लिने व्यवस्था मिलाइएको एमालेले जनाएको छ ।

यसैबीच एमालेले नेपाल कम्युनिस्ट पार्टी स्थापना दिवसको हीरक महोत्सव पनि मनाउने भएको छ । नेकपा स्थापना दिवसको ७५ वर्ष पूरा गरेको अवसरमा विभिन्न कार्यक्रमसहित हीरक महोत्सव मनाउन लागेको हो । १० गते गोदावरीमै हुने समारोहमा प्रधानमन्त्री पुष्पकमल दाहाल प्रचण्ड, कांग्रेस सभापति एवम् पूर्वप्रधानमन्त्री शेरबहादुर देउवा लगायतका नेताहरुलाईसमेत एमालेले आमन्त्रण गरेको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

एमालेको महाधिवेशन प्रतिनिधि परिषद् बैठक आजदेखि

फाइल तस्बिर

तपाईको प्रतिक्रिया