स्कटल्याण्डले चखायो शीर्ष स्थानको इंग्ल्याण्डलाई ६ रनको हारको स्वाद

जेठ २८, २०७५ सोमबार ७:५२:४३ | उज्यालो सहकर्मी

एकदिवसीय क्रिकेटको शीर्ष स्थानमा रहेको इग्ल्याण्ड एसोसियट देश स्कटल्याण्डसँग पराजित भएको छ । आफ्नै देशमा आएको पाहुना टोली इंग्ल्याण्डलाई स्कटल्याण्डले ६ रनको हार चखाएको हो ।

इडिनबर्गमा टस जितेर ब्याटिङ रोजेको स्कटल्याण्डले ५० ओभरमा ५ विकेट गुमाउँदै ३ सय ७१ रन बनाएको थियो । जवाफमा इंग्ल्याण्डले ४८ ओभर ५ बलमा अलआउट हुनुअघि ३ सय ६५ रन मात्र बनाउन सक्यो । स्कटल्याण्डले ६ रनको रोमाञ्चक जित हात पार्‍याे।

इग्ल्याण्डका जोनी बे्रष्टोले ५९ बलमा शतक बनाए पनि टिमलाई जिताउन सकेनन् । उनले १२ चौका र ६ छक्का प्रहार गरेका थिए ।

इंग्ल्याण्ड ३ विकेट गुमाएर २ सय २० रन बनाउँदै बलियो अवस्थामा रहे पनि स्कटल्याण्डका मार्क वाट र अलास्दिर इभान्सलेलगातार विकेट लिएपछि इंग्ल्याण्ड थप ५६ रन जोड्न ४ विकेट गुमायो । इंग्ल्याण्डका एलेक्स हल्स ५२, लियम प्लंकेटले ४७ र मोइन अलीले ४६ रनको योगदान गरे । स्कटल्याण्डका मार्क वाटले ३ तथा अलास्दिर इभान्स र रिची बेरिङटनले २–२ विकेट लिए ।

स्कटल्याण्डका कलुम म्याकलियोडले १४० रन बनाएका थिए । विष्फोटक ब्याटिङ गरेका उनले मात्र ९४ बलमा १६ चौका र ३ छक्का प्रहार गरेका थिए । यस्तै, केल कोट्जरले ५८ जर्ज मुन्सेले ५५, म्याथ्यु क्रसले ४८ र रिची बेरिङटनले ३९ रन बनाएपछि स्कटल्याण्डले ५० ओभरमा ५ विकेट गुमाएर ३ सय ७१ रन बनाएको थियो । इंग्ल्याण्डका अदिल रसिद र लियाम प्लंकेटले २–२ विकेट लिए ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्