रसिदका भरमा गाडी चलाइरहेका चालकले तत्काल स्मार्ट लाइसेन्स नपाउने

मंसिर २, २०७५ आइतबार ९:३०:३३ | उज्यालो सहकर्मी

काठमाडौं – रसिदका भरमा गाडी र मोटरसाइकल चलाइरहेका चालकले तत्काल स्मार्ट लाइसेन्स नपाउने भएका छन् ।

डेढ महिनामा ५ लाख लाइसेन्स छपाइ गर्ने दाबी गर्दै छपाइको जिम्मा दिए पनि निजी कम्पनीले १ महिनामा ६० हजार मात्र लाइसेन्स छापेको छ । यातायात व्यवस्था विभागले मात्र छाप्न नपुगेको भन्दै निजी कम्पनी मालिका इनकर्पोरेट लिमिटेडलेस्मार्ट लाइसेन्स छपाइ गर्ने जिम्मा दिएको हो ।

स्मार्ट लाइसेन्स पर्याप्त छपाई नहुँदा ५ लाखभन्दा धेरैले रसिद लिएर गाडी र मोटरसाइकल चलाइरेका छन् । झण्डै १ वर्षदेखि स्मार्ट लाइसेन्स माग अनुसार वितरण हुन सकेको छैन ।

विभागका सूचना अधिकारी गोकर्णप्रसाद उपाध्यायले बीचमा प्राविधिक गडबढीका कारण मालिकाले सोचेअनुसार काम गर्न नसकेको बताउनुभयो । विभागले दैनिक २५ सयको हाराहारीमा नयाँ लाइसेन्स छापिरहेको छ ।

एक दिनमा झण्डै ८ हजार लाइसेन्स छाप्ने क्षमताको प्रिन्टर ल्याउने तयारी गरिरहेकाले पनि अबको एक महिनामा अहिले चीटको भरमा गाडी गुडाइरहेका सबैले स्मार्ट लाइसेन्स पाउने उहाँले दाबी गर्नुभयो । दैनिक नयाँ र पुराना गरी ६ हजार भन्दा धेरै लाइसेन्सको माग हुने गरेको छ ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्