जयनगर–जनकपुर रेल्वेको उद्घाटन यूपीका मुख्यमन्त्रीले गर्न मिल्दैन : नेपाली कांग्रेस

मंसिर ६, २०७५ बिहीबार १६:२१:४० | उज्यालो सहकर्मी

काठमाडौं – नेपाली कांग्रेसले जयनगर–जनकपुर–कुर्था रेल सेवाको उद्घाटन भारतको एउटा राज्यका मुख्यमन्त्रीबाट गर्न लागेको प्रति गम्भीर आपत्ति प्रकट गरेको छ ।

नेपाल र भारत दुवै देशका प्रतिनिधिबाट हुनुपर्नेमा भारतका प्रतिनिधिबाट मात्रै उद्घाटन गर्न लाग्नुले गम्भीर खतरा उत्पन्न गराएको कांग्रेसले जनाएको छ ।

रेलसेवाको उत्तरप्रदेशका मुख्यमन्त्री योगी आदित्यनाथले उद्घाटन गर्ने निश्चित भएको छ । मित्रराष्ट्रको लगानी र सहयोगलाई कांग्रेसले सधैँ स्वागत र कदर गर्ने गरेको भए पनि कुनै पनि परियोजनको उद्घाटन दुबै देशका प्रधानमन्त्रीबाट संयुक्त रुपमा हुने या निश्चित विभागीय तहबाट हुने परम्परा र मर्यादा उल्लंघन गर्न नमिल्ने उसले ठहर गरेको छ ।

नेपाली कांग्रेसले बिहीबार पत्रकार सम्मेलन गरी यस विषयमा नेपाल सरकारको गम्भीर ध्यानाकर्षण गराउनुका साथै सार्वजनिक रुपमा जवाफ मागेको छ ।

पत्रकार सम्मेलनमा कांग्रेस प्रवक्ता विश्वप्रकाश शर्माले निर्मलाको न्यायका निम्ति भन्दै उनका आमाबुवा डेढ सातादेखि निरन्तर धर्नामा बस्दा पनि राज्यले कुनै सुनुवाइ नगरेको बताउनुभयो । ‘सम्माननीय प्रधानमन्त्रीज्यू, यहाँको रामराज्यमा निर्मलाले न्याय पाउने सम्भावनाको मृत्यु भइसकेको हो ?’, उहाँले प्रश्न गर्नुभयो ।

सरकारको यो ९ महिने कार्यकालमा कुनै पनि आशाजनक काम हुन नसकेकाले ‘नेपालमा सरकार छ ? छ भने कहाँ छ ?’ भन्ने अवस्था आएको प्रवक्ता शर्माले बताउनुभयो ।

कांग्रेसले वाइडबडी जहाज प्रकरणको वास्तविकता सार्वजनिक गर्नुपर्ने, मन्त्रिपरिषद्को निर्णय ७ दिनमा नभई २४ घण्टाभित्रै सार्वजनिक गर्नुपर्ने माग राखेको छ ।
स्वचालित मूल्य निर्धारण प्रणाली प्रभावकारी कार्यान्वयन नगर्दा अन्तर्राष्ट्रिय बजारमा कच्चा तेलको मूल्य निरन्तर घटेको भए पनि नागरिकले बढी मूल्य तिरेर बोझ बोकिरहनु पर्ने अवस्था आएको कांग्रेसको ठहर छ ।

यस्तै विकासका सवै ठूला परियोजना प्रधानमन्त्री कार्यालय मातहत ल्याउने तयारी संघीयताको मर्म विपरस्त रहेको पत्रकार सम्मेलनमा प्रवक्ता शर्माले बताउनुभयो ।

यही मंसिर २८ गतेदेखि हुन लागेको महासमिति बैठकको तयारी तीव्र रुपमा भइरहेको पनि उहाँले बताउनुभयो ।

महासमितिमा प्रस्तुत गरिने राजनैतिक दस्तावेज एवं पार्टीको आर्थिक नीतिका सम्बन्धमा प्रदेशस्तरीय अलग–अलग छलफल सम्पन्न भएको र पार्टीको विधानमा समसामयिक संशोधनका लागि देशमा १२ स्थानमा केन्द्रिकृत ढंगले सुझाव संकलन कार्य पनि सकिएको पत्रकार सम्मेलनमा जानकारी दिइयो ।

यस्तै मंसिर ९ गते केन्द्रीय समितिको बैठक बस्न लागेको र बैठकमा विधान संशोधन मस्यौदा समितिले तयार गरेको प्रस्तावित मस्यौदा पेश हुने प्रवक्ता शर्माले जानकारी दिनुभयो ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्