महिलामाथि दुर्व्यवहार गर्ने सशस्त्र प्रहरीलार्इ कारबाही हुने

मंसिर ७, २०७५ शुक्रबार १९:३३:७ | उज्यालो सहकर्मी

पर्सा - वीरगञ्ज भन्सार गेट नजिक महिलालार्इ दुर्व्यवहार गर्ने सशस्त्र प्रहरी जवानलार्इ कारबाही गरिने भएको छ ।

सशस्त्र प्रहरी बल वीरगञ्ज भन्सार सुरक्षा गुल्मका सशस्त्र प्रहरी नायब उपरीक्षक तिलकबहादुर खड्काले आफ्ना जवानबाट गल्ती भएको स्वीकार गर्दै घटनामा संलग्नलाइ कारबाही गर्ने बताउनु भएको हो ।

गल्ती गर्ने दुई जवानमाथि आवश्यक कारबाही प्रक्रिया सुरु गरिएको उहाँले जानकारी दिनुभयो । घटनामा संलग्न दुवै जनाको परिचय भने सशस्त्र प्रहरीले लुकाएको छ ।

वीरगञ्ज भन्सार कार्यालयको सुरक्षा एवं चोरी तस्करी नियन्त्रणका लागि खटिएका सशस्त्र प्रहरीले महिलाहरुलाई कपाल समातेर लछारपछार पारेका थिए ।

घटना सार्वजनिक भएपछि सशस्त्र प्रहरीको चर्को आलोचना भएको छ । राजपा नेपालका महासचिव राजेशमान सिंंहले सशस्त्र प्रहरीले निकृष्ट र अमानवीय कार्य गरेको भन्दै घटनामा संलग्नलाइ कारबाही गर्न माग गर्नु भएको थियो ।

सामान्य पोके तस्करीको आरोपमा सशस्त्र प्रहरीले महिलामाथि दुर्व्यवहार गरेको थियो । सशस्त्र प्रहरीले महिलाहरुबाट ५० हजार मूल्य बराबरको तस्करीको कपडा बरामद गरेको बताइएको छ ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्