स्थानीय तहबाट पुनर्निर्माणलाई सहज र छिटो बनाउन प्राधिकरणको अनुरोध

मंसिर ९, २०७५ आइतबार १७:४८:५५ | उज्यालो सहकर्मी

काठमाडौं – राष्ट्रिय पुनर्निर्माण प्राधिकरणले स्थानीय तहलाई अधिकार प्रयोग गरी पुनर्निर्माणका काम सहज र छिटो बनाउन अनुरोध गरेको छ ।

प्राधिकरणका प्रमुख कार्यकारी अधिकृत सुशील ज्ञवालीले स्थानीय तहका जनप्रतिनिधिलाई अधिकार प्रयोग गर्न आग्रह गर्नुभयो । निजी आवास पुनर्निर्माणका विषयमा काभ्रेको धुलिखेलमा भएको कार्यक्रममा सीइओ ज्ञवालीले संविधान र पुनर्निर्माण सम्बन्धी नीति नियम र कार्यविधिले दिएका अधिकार प्रयोग गरी निजी आवास र पुनर्निर्माण सम्बन्धी कामलाई अघि बढाउन आग्रह गर्नुभएको हो ।

स्थानीय तहसँग एकाकार भएर काम गरी पुनर्निर्माण समयमै पूरा गर्ने र तत्काल देखिएका समस्या समाधान गर्दै जाने पनि ज्ञवालीले बताउनुभयो । गत भदौ २१ गते बसेको प्राधिकरणको निर्देशक समिति बैठकले निजी आवास पुनर्निर्माणलाई थप सहजीकरण गर्न स्थानीय तहलाई जिम्मेवारी दिने निर्णय गरेको थियो ।

नीतिगत, स्रोतको व्यवस्थापन, प्राविधिक पक्षलगायत उपलब्ध गराउने भन्दै प्रमुख कार्यकारी अधिकृत ज्ञवालीले स्वामित्व लिएरै काम अघि बढाउन जनप्रतिनिधिलाई आग्रह गर्नुभयो । उहाँले खटाइएको ठाउँमा नबस्ने इन्जिनियरहरुलाई कारबाही गर्ने चेतावनी समेत दिनु भएको छ ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्