आफ्ना माग पूरा नभए पुस २ गते पुनः अनसन बस्ने डाक्टर केसीको चेतावनी

मंसिर १०, २०७५ सोमबार १७:२८:४९ | उज्यालो सहकर्मी

काठमाडौं – वरिष्ठ चिकित्सक गोविन्द केसीले आफूसँग गरेको सम्झौता पुस २ गतेसम्म पूरा गर्न सरकारलाई अल्टिमेटम दिनु भएको छ ।

सोमबार काठमाडौंमा पत्रकार सम्मेलन गरी उहाँले गएको साउन १० गते सरकारसँग भएको सम्झौता पुस २ गतेसम्म पूरा नभए पुनः आमरण अनसनमा बस्ने चेतावनी समेत दिनुभयो ।

सातै प्रदेशमा सरकारी मेडिकल कलेज खोल्ने काममा ढिलाई नगर्न पनि सरकारलाई वरिष्ठ चिकित्सक केसीले सचेत गराउनुभयो । १५ औं आमरण अनसनका क्रममा गरिएको सहमति अझै पालना नभएकोमा आपत्ति जनाउँदै उहाँले सम्झौता बमोजिम संघीय संसदबाट अबिलम्ब राष्ट्रिय चिकित्सा ऐन पारित गर्न पनि माग गर्नुभयो ।

वरिष्ठ चिकित्सक केसीले निर्मला पन्तको बलात्कारपछि हत्यामा संलग्न व्यक्तिहरुलाई तत्काल पक्राउ गरी मुद्दा चलाउन तथा सो हत्याको प्रमाण नष्ट गर्नेहरुमाथि कडा कारबाही गर्न पनि सरकारको गम्भीर ध्यानाकर्षण गराउनुभयो ।

उहाँले सरकारको निर्णय विपरित काठमाडौं विश्वविद्यालयले तोकेको शुल्क तत्काल फिर्ता लिई दोषी पदाधिकारीमाथि कारबाही गर्न पनि सरकारसँग माग गर्नु भएको छ । वरिष्ठ चिकित्सक केसीले राष्ट्रपतिलाई बिलासिताको सवारी साधन उपलब्ध गराउने काममा सरकार लागि परेको भन्दै आपत्ति समेत जनाउनुभयो ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आफ्ना माग पूरा नभए पुस २ गते पुनः अनसन बस्ने डाक्टर केसीको चेतावनी

फाइल तस्बिर

तपाईको प्रतिक्रिया