दुर्घटनामा घाइते भएका बालक नवीनको उपचारका लागि सहयोग अपील

मंसिर ११, २०७५ मंगलबार १३:०:२३ | उज्यालो सहकर्मी

डोटी – डडेल्धुरा दिपायल जोड्ने डाक्टर केआईसिंह राजमार्गको रडुवा भन्ने ठाउमा बस दुर्घटनामा परी घाइते भएका डोटीको दिपायल सिलगढी नगरपालिका ४ पिपल्लाका नवीन विकको उपचारका लागि सहयोग अपील गरिएको छ । उनको काठमाडौंको ट्रमा सेन्टरमा उपचार भइरहेको छ । उनकी आमा शशी विकको दुर्घटनामा निधन भएको छ ।

डडेल्धुराको उग्रतारा मन्दिरमा मेला भरेर फर्किँदै गरेको बस दुर्घटना हुँदा १८ जनाले ज्यान गुमाएका थिए भने २८ घाइते छन् । अस्पतालका अनुसार उनको टाउकोमा गम्भीर चोट लागेको छ । छातिको करङसमेत भाँचिएको छ । उनी अहिले अर्धचेत अवस्थामा अस्पतालको बेड नम्बर ५१८ मा छट्पटाइरहेका छन् ।

घाइते बालकका बुबा गएको ५ वर्षदेखि घर परिवारबाट सम्पर्कविहीन छन् । अभिभावकको रुपमा रहेकी आमाको मृत्यु भएपछि नवीन बेसाहारा भएका हुन् । उनी दुर्घटना हुनुअघि आमासँगै दिपायलमा सेती नदीमा गिटी कुटेर जिविकोपार्जन गरिरहेका थिए । घाइते बालकको उपचारका लागि डोटेली समाज काठमाडौंले सहयोगको अपिल गरेको हो ।

सहयोग दाताले डोटेली समाज काठमाडौंको नाममा रहेको नयाँ बानेश्वर कृषि विकास बैंकको खाता नम्बर ०४०४१२ मा रकम जम्मा गर्न सकिने डोटेली समाज काठमाडौंका अध्यक्ष जगदीश केसीले जानकारी दिनुभयो । नवीनको घरमा उहाँकी वृद्ध हजुरआमा मात्र हुनुहुन्छ ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्