बाग्लुङको निरयघाटमा चौबीस वर्षपछि हरिबोधनी एकादशी मेला हुने

कात्तिक २२, २०८१ बिहीबार ९:२९:२६ | रासस

बाग्लुङ – बाग्लुङ निरयघाटको कालीगण्डकी किनारामा चौबीस वर्षपछि हरिबोधनी एकादशी मेला हुने भएको छ । मेलाका लागि आवश्यक तयारी थालिएको छ ।

हरिबोधनी एकादशी मेला संरक्षण समिति गठन गरेर काम थालिएको हो । रातभर जाग्राम बसेर भजनकृतन गर्ने र बिहान कालीगण्डकीमा स्नान गर्ने, तोरण तान्ने, पूजा गर्ने र किनमेल गर्ने हरिबोधनी एकादशी मेलालाई चौबीस वर्षपछि आयोजना गर्न संरक्षण समिति र विभिन्न उपसमितिसमेत गठन गरिएका छन् ।

समितिका अध्यक्ष रमेश राजभण्डारीले औपचारिक रूपमा चौबीस वर्षसम्म रोकिएको मेला यसवर्षबाट पुनः सञ्चालन गर्ने गरी तयारी शुरू भएको जानकारी दिनुभयो । आउँदो कात्तिक २७ गते कालीगण्डकी किनार निरयघाटमा हरिबोधनी एकादशी मेला लाग्नेछ ।

२०५७ सालमा जिल्ला प्रशासनले शान्ति सुरक्षाको चुनौती देखाएर मेला बन्द गरेपछि त्यसयता निरयघाटमा मेला लाग्न सकेको थिएन ।

आउँदो २६ गते तोरणलाई बाग्लुङ बजारमा शोभायात्रासहित परिक्रमा गर्ने र २७ गते कालीगण्डकी नदी किनार निरयघाटमा तोरणसहित प्रस्थान गर्ने योजनाअनुसार काम भइरहेको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्