त्यसै त जोर बिजोरले सास्ती, त्यसमाथि भीआईपीको सवारी

 मंसिर १३, २०७५ बिहीबार १४:२२:८ | उज्यालो सहकर्मी

काठमाडौं – एसिया प्यासिफिक सम्मेलनमा भाग लिन आएका विदेशी पाहुनाको आवत जावत सहज पार्न सरकारले चार दिन काठमाडौं उपत्यकाको सडकमा जोर बिजोर प्रणाली लागू गरेको छ ।

काठमाडौँमा यात्रुको भीड थामिनसक्नु भएका बेला जोर बिजोर प्रणाली लागू भएकै दिन बिहीबार यात्रुले नराम्ररी सास्ती पाए । बिहानैदेखि काठमाडौँमा चल्ने गाडी कम छन् । चोक चोक र बस स्टपमा यात्रुको भीड बाक्लो छ । नियमित गाडी चल्दा पनि झुण्डिएर, उभिएर यात्रा गर्नुपर्ने बाध्यता छदै थियो । 

त्यसमाथि जोर बिजोर प्रणाली बिहीबार अफिस आउने जाने घण्टौ गाडी कुर्न बाध्य भए ।  कोही हिँडेरै घर कार्यालय पुगेका छन्। बेलुकी फर्किँदा पनि त्यस्तै सास्ती झेल्नुपर्ने पक्का छ ।

लामो समय कुरेपछि आउने एक दुई वटा गाडीमा यात्रु कोचाकोच गरी यात्रा गर्न बाध्य भएका छन । एसिया प्यासिफिक सम्मेलनका लागि कम्बोडियोका प्रधानमन्त्री हुन सेन र म्यानमारकी नेतृ आङ साङ सुकी काठमाडौं आउँदा यात्रुले सास्ती झेलेका हुन् ।

भीआइपीको सवारीले झन् सास्ती 

बिहीबार बिहान दुवै भीआईपी लगभग एकै समय काठमाडौं ओर्लिए । सर्वसाधारण कार्यालय जाने समयमै काठमाडौं ओर्लिएका सुकी र कम्बोडियाका प्रधानमन्त्री सेनको सुरक्षाका लागि सडक खाली गराइयो ।

सडक खाली गराउँदा कार्यालय जान ठिक्क परेका सर्वसाधारण बस स्टपमा गाडी कुरेको कुर्‍यै देखिन्थे । घण्टौ कुर्दा पनि गाडी नआएपछि कोही बाइकमा लिफ्ट मागेर गन्तव्यमा पुगे त कोही महंगो भाडा तिरेर ट्याक्सी चढ्न बाध्य भए ।

काठमाडौं उपत्यकाका सार्वजनिक गाडीमा यात्रा गर्न सजिलो छैन । पछिल्लो समय ठूला ठूला बस थपिए पनि यात्रुको चाप घटेको छैन । विदेशी पाहुना आउँदा एकातर्फ जोर बिजोर प्रणाली अर्कातिर कार्यालय समयमै हुने भीआईपीको सवारीले यात्रु बेला बेला नाकाबन्दी सम्झिन बाध्य छन् । 

तस्बिर : रासस 

अन्तिम अपडेट: फागुन १८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

भोलि वर्षा गराउने नयाँ प्रणाली भित्रिँदै, चैत १ गतेसम्म हावाहुरी, चट्याङ र केही ठाउँमा असिनाको जोखिम

२

संवैधानिक दायराभित्र रहन पूर्वराजालाई दलहरूको आग्रह, जबरजस्ती नगर्न चेतावनी

३

हो नि, राजा त फर्कनैपर्छ गाँठे !

४

न्युजिल्यान्डलाई हराउँदै भारतले जित्यो च्याम्पियन्स ट्रफीको उपाधि

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई