नवीनको उपचारका लागि मेयरले दिइन् २० हजार

मंसिर १४, २०७५ शुक्रबार १५:५२:१ | उज्यालो सहकर्मी

डोटी – डडेल्धुरा दिपायल जोड्ने डाक्टर केआईसिंह राजमार्गको रडुवा भन्ने ठाउँमा गएको बिहीबार स्कुल बस दुर्घटनामा परि घाइते भएका डोटीको दिपायल सिलगढी नगरपालिका ४ पिपल्लाका नवीन बिकको उपचारका लागि दिपायल सिलगढी नगरपालिकाका मेयर २० हजार रुपैयाँ आर्थिक सहयोग गर्नु भएको छ ।

घाइते बालक नवीनको काठमाडौंको ट्रमा सेन्टरमा उपचार भइरहेको र उपचारमा आर्थिक अभाव भएको समाचार प्रकाशन/प्रसारण भएपछि दिपायल सिलगढी नगरपालिकाका नगर प्रमुख मञ्जु मलासीले उपचारका लागि २० हजार रुपैयाँ आर्थिक सहयोग गर्नुभएको हो ।

नवीनसँगै दुर्घटनामा परि घाइते भएकी उनकी ११ वर्षीया दिदी दीपा बिकलाई उहाँले २० हजारको चेक हस्तान्तरण गर्नु भएको हो । बस घटनामा नवीनकी आमा शशी बिकको ज्यान गएको थियो । त्यस्तै उपचारपछि घर फर्किएपछि नवीनसहित उनका दाजु र दिदीलाई दिपायल सिलगढी नगरपालिका निःशुल्क पढाउने व्यवस्था मिलाइने नगर प्रमुख मलासीले बताउनुभयो ।

डडेल्धुराको उग्रतारा मन्दिरमा मेला भरेर फर्किँदै गरेको बस दुर्घटना हुँदा १८ जनाले अन्यले ज्यान गुमाएका थिए भने २८ घाइते छन् । घाइते बालक नवीनका बुवा गएको ५ वर्षदेखि घर परिवारबाट सम्पर्कविहीन छन् । अभिभावकको रुपमा रहेकी आमाको मृत्यु भएपछि नवीन र उनका दाजु दिदी पनि बेसाहारा भएका हुन् ।

अन्तिम अपडेट: फागुन २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्