प्रसादकाे प्रमाेशनमा नम्रता र निश्चल: नम्रतालार्इ बिहे कैले ? निश्चललार्इ बच्चा कैले? काे अाेर्इराे

मंसिर १४, २०७५ शुक्रबार १७:२५:५६ | उज्यालो सहकर्मी

काठमाडाैं - दिनेश राउतको निर्देशन रहेको सिनेमा प्रसाद मंसिर २१ गतेदेखि प्रदर्शनमा आउँदैछ ।

यो सिनेमामा विपिन कार्की, नम्रता श्रेष्ठ र निश्चल बस्नेत मुख्य भूमिकामा छन् । सिनेमामा विपिन र नम्रता निसन्तान दम्पतीको भूमिका निर्वाह गरिरहेका छन् ।

निश्चल बस्नेतलाई सिनेमामा नकारात्मक भूमिकामा प्रस्तुत गरिएको छ । सिनेमामा आफ्नो भूमिकालाई लिएर निश्चल निकै नै उत्साहित देखिएका छन् ।

यतिबेला सिनेमाको प्रचार प्रसारको लागि निश्चल र नम्रता लागिपरेका छन् । किनभने अभिनेता विपिन कार्की मोटरसाइकल दुर्घटनामा परेर खुट्टा फ्याक्चर भएका कारण सिनेमाको प्रचारमा हिँड्न सकेका छैनन् ।

गएको मंगलबार दुर्घटनामा परेका अभिनेता विपिन कार्की बुधबार मात्रै डिस्चार्ज भएका छन् । उनले अझ केही दिन पूर्ण रुपमा आराम गर्नुपर्नेछ ।

स्वास्थ्यस्थितिका कारण विपिन सिनेमाको प्रचार प्रसारमा नहिँड्दा निर्माण पक्षले भने प्रचारमा कमी भएको महसुस गरेको बुझिएको छ ।

तर सिनेमाका अन्य दुई कलाकार निश्चल र नम्रताले भने सिनेमा प्रचार प्रसारमा कुनै पनि कसर बाँकी राखेका छैनन् ।

उनीहरु दुवै जनाले विपिनको स्वास्थ्यलाई मध्य नजर गर्दै सिनेमाको प्रचार गरिरहेका छन् । यसै कारण पनि दुई जनालाई मात्र प्रचारको प्रेसर रहेको देखिन्छ ।

अर्को तर्फ प्रसादको प्रचारमा हिँड्दा यी दुईलाई एउटा प्रश्नले हैरान बनाएको छ । हामीसँग कुराकानी गर्दै निश्चलले अन्र्तवार्तामा सोधिने एउटा प्रश्नले आफू दिक्क भएको बताए ।

उनलाई प्रसादको प्रचारमा हिँडिरहँदा बच्चा कहिले पाउने ? भनेर प्रश्न आईरहेको छ ।

उता नम्रता अविवाहित भएका कारण उनलाई भने विवाह कहिले भन्ने ? प्रश्नले सताएको छ ।

यस विषयमा उनीहरु दुवैले भने, ‘अब त हामीलाई थाहा भइसक्यो के प्रश्न आउँछ भनेर । त्यस कारण हामी पहिले नै तयार भइसकेका हुन्छौँ त्यो प्रश्नको जवाफ दिन ।’

नम्रता र निश्चलसँग गरिएको कुराकानी भिडियाे हेर्नुहोस् :

– उज्यालाे र गफगाफ डटकमकाे सहकार्य

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्