नेपालमा जस्तो आतिथ्यता र क्रिकेट समर्थक संसारमा अन्त कतै देखिएन : जिमी निशम

पुष ७, २०८१ आइतबार १०:६:६ | उज्यालो सहकर्मी

काठमाण्डौ – न्युजिल्याण्डका क्रिकेट जिमी निशमले नेपालमा जस्तो क्रिकेटको क्रेज र आतिथ्यता आफूले संसारमा अन्त कतै नपाएको बताएका छन् । नेपाल प्रिमियर लिग क्रिकेटमा सुदूरपश्चिम रोयल्सलाई हराएपछि स्टार स्पोर्ट्सका कमेन्टेटरसँग कुराकानी गर्दै निशमले आफूले नेपालमा क्रिकेटका अचम्मका दर्शक भेटेको बताएका हुन् ।

‘मैले संसारका धेरै देशमा गएर क्रिकेट खेलेँ तर नेपालमा जस्तो क्रिकेटप्रति लगाव र उच्च सङ्ख्यामा समर्थक कतै पनि भेटेको छैन’ निशमले भने ।

खेल जितेपछि मैदान परिक्रमा गर्दा पाएको सम्मानको तारिफ गर्दै उनले भनेका छन्, ‘खेल जितेपछि हामीले समर्थकलाई धन्यवाद दिन मैदान परिक्रमा गरेका थियौँ, त्यस समयमा देखिएको दृष्य र समर्थकले गरेको व्यवहार संसारका कुनै पनि ठाउँमा भन्दा राम्रो लाग्यो ।’

क्रिकेटका लागि त्रिवि क्रिकेट मैदान पनि उत्कृष्ट रहेको जिमीको भनाइ छ । अब ११ महिनापछि एनपीएल प्रतियोगिता फेरि हुने उनको विश्वास छ । उनले नेपालका होटलमा आफूले पाएको आतिथ्यता पनि विशेष रहेको उल्लेख गरेका छन् ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्