दिल्ली क्यापिटल्सको कप्तानी अक्षर पटेलले गर्ने

 चैत १, २०८१ शुक्रबार १३:४६:७ | एजेन्सी
unn.prixa.net

तस्वीर : बीसीसीआई

आउँदो मार्च २२ तारिखदेखि शुरू हुने इन्डियन प्रिमियर लिग (आईपीएल) को १८औं संस्करणका लागि दिल्ली क्यापिटल्सले अक्षर पटेललाई कप्तान बनाएको छ । ऋषभ पन्त लखनउ सुपर जायन्ट्समा आबद्ध भएपछि दिल्लीले नयाँ कप्तान नियुक्त गरेको हो ।

३१ वर्षीय बायाँ हाते अलराउन्डर सन् २०१९ देखि दिल्ली क्यापिटल्समा आबद्ध छन् । गएको नोभेम्बरमा भएको मेगा अक्शनमा दिल्लीले अक्षरलाई १६ करोड ५० लाख भारुमा रिटेन गरेको थियो । अक्षरको कप्तानी अनुभव धेरै नभए पनि यस वर्षको जनवरीमा उनलाई भारतको टी–२० टोलीको उपकप्तान नियुक्त गरिएको थियो ।

अक्षरले गएको वर्ष आईपीएलको एउटा खेलमा दिल्लीको कप्तानी गरेका थिए । नियमित कप्तान ऋषभ पन्त ‘स्लो ओभर रेट’ का कारण प्रतिबन्धमा परेपछि उनले टोलीको नेतृत्व गर्ने अवसर पाएका थिए । कप्तानका लागि केएल राहुलको नाम पनि चर्चामा थियो तर टोलीले अक्षरलाई छानेको हो ।

अक्षर पटेलले आईपीएलमा १ सय ५० खेलमा १ सय ३० को स्ट्राइक रेटमा १ हजार ६ सय ५३ रन बनाउनुका साथै १ सय २३ विकेट लिएका छन् । आईपीएलको आउँदो संस्करणमा दिल्लीमा अक्षरसँगै पञ्जाब किङ्ग्सिमा श्रेयस अय्यर, कोलकाता नाइट राइडर्समा अजिन्क्या रहाणे, रोयल च्यालेन्जर्स बेङ्गलोरमा रजत पाटीदार र लखनउ सुपर जायन्ट्समा ऋषभ पन्त नयाँ कप्तान नियुक्त भएका छन् । बाँकी पाँच वटा टोलीमा पुरानै कप्तान छन् ।

अन्तिम अपडेट: चैत १, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

चैतका लागि वाणिज्य बैंकहरूको नयाँ ब्याजदर सार्वजनिक : १७ वटाको स्थिर, ३ वटाले घटाए

२

अन्तरिक्षमा अलपत्र दुई जना यात्रीलाई फिर्ता ल्याउने योजना रोकियो

३

अर्घाखाँचीका कुनै गाउँमा बिजुली नपुगेको भए सूचना दिन प्राधिकरणकाे आग्रह

४

युक्रेनसँग युद्ध शुरू भएपछि रुसी राष्ट्रपति पुटिन पहिलो पटक कुर्स्क क्षेत्रको भ्रमणमा

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई