पाकिस्तानलाई ८४ रनले हराउँदै न्युजिल्यान्डले एक खेलअघि नै जित्याे एकदिवसीय शृङ्खला

चैत २०, २०८१ बुधबार १४:२९:५ | उज्यालो सहकर्मी

काठमाण्डाै – पाकिस्तानसँगको तीन खेलको एकदिवसीय अन्तर्राष्ट्रिय क्रिकेट शृङ्खला न्युजिल्यान्डले एक खेलअघि नै जितेको छ । आज भएको दोस्रो खेलमा घरेलु टोली न्युजिल्यान्डले पाकिस्तानलाई ८४ रनले हरायो ।

न्युजिल्यान्डले दिएको २ सय ९३ रनको लक्ष्य पछ्याएको पाकिस्तान ४१ ओभर २ बलमा २ सय ८ रनमा अलआउट भयो । पाकिस्तानका फहिम अशरफले ७३, नसीम शाहले ५१ रन बनाए । न्युजिल्यान्डका बेन सियर्सले ५ विकेट लिए ।

यसअघि ह्यामिल्टनको सेडोन पार्कमा टस हारेर ब्याटिङको निम्तो पाएको न्युजिल्यान्डले ५० ओभरमा ८ विकेट गुमाएर २ सय ९२ रन बनायो । न्युजिल्यान्डका मिचेल हेएले नटआउट ९९ रन बनाए । पाकिस्तानका मोहम्मद वसिम र सुफियन मुकीमले २/२ विकेट लिए ।

एकदिवसीय शृङ्खलाको पहिलो खेल न्युजिल्यान्डले ७३ रनले जितेको थियो । शृङ्खलाको तेस्रो तथा अन्तिम खेल आउँदो शनिवार हुनेछ । यसअघि भएको टी–२० अन्तर्राष्ट्रिय क्रिकेट शृङ्खला न्युजिल्यान्डले जितेको थियो ।

अन्तिम अपडेट: चैत २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पाकिस्तानलाई ८४ रनले हराउँदै न्युजिल्यान्डले एक खेलअघि नै जित्याे एकदिवसीय शृङ्खला

तस्वीर : एएफपी

तपाईको प्रतिक्रिया