वायु प्रदूषणबाट बच्न कार्यालयका काम घरबाटै गर्न र गाडीको प्रयोग घटाउन आग्रह

चैत २१, २०८१ बिहीबार ११:४४:५२ | उज्यालो सहकर्मी

काठमाण्डौ – काठमाण्डौ उपत्यकासहित देशका मुख्य शहरहरुमा वायु प्रदूषण बढेपछि सरकारले सावधानी अपनाउन आग्रह गरेको छ ।

गृह मन्त्रालय अन्तर्गतको राष्ट्रिय विपद जोखिम न्यूनीकरण तथा व्यवस्थापन प्राधिकरणले सम्भव भएसम्म घरमै बस्न, कार्यालयका कामहरु घरबाटै व्यवस्थापन गर्न आग्रह गरेको छ ।

यस्तै गाडीको प्रयोग कम गर्न, घर, सडक तथा सार्वजनिक ठाउँको सरसफाइमा ध्यान दिन प्राधिकरणले भनेको छ । अत्याधिक धुलो र धुँवा उत्सर्जन गर्ने निर्माण कार्य केही समयलाई स्थगन गरी वातावरणमैत्री हुने गरी नियमन गर्न प्राधिकरणको आग्रह छ ।

यस्तै फोहरमैलाको सही व्यवस्थापन गर्न एवम् फोहरमैला नजलाउन, वन डढेलो लाग्नै नदिन र लागिहाले सावधानीपूर्वक नियन्त्रण गर्न पनि प्राधिकरणले भनेको छ ।

स्वास्थ्य मन्त्रालयले पनि सकेसम्म घरभित्रै बस्न र प्रदूषण बढेको बेला घरबाहिर निस्कँदा सुरक्षित मास्कको प्रयोग गर्न आग्रह गरेको छ ।

वायुमा प्रदूषण उच्च : अनावश्यक यात्रा नगर्न स्वास्थ्य मन्त्रालयको अनुरोध

प्रदूषणको बढेका बेला बालबच्चा, वृद्धवृद्धा र संवेदनशील स्वास्थ्य समस्या भएकाहरुको विशेष हेरचाह गर्न विज्ञहरुले सुझाव दिँदै आएका छन् । केही दिनयता काठमाण्डौ उपत्कासहित देशका विभिन्न ठाउँमा वायु प्रदूषण बढेको छ ।

तत्काल पानी पर्ने सम्भावना नभएकाले अझै केही दिन प्रदूषण कायमै रहने मौसमविदको भनाइ छ । तर भोलिदेखि हावाहुरी चल्न सक्ने भएकाले प्रदूषणको मात्रा घट्दै जाने मौसमविदले अनुमान गरेका छन् ।

हावाको अवस्था मापन गर्ने आईक्यूएयरको तथ्याङ्कअनुसार काठमाण्डौको हावाको गुणस्तर एक्यूआई ३०० भन्दा माथि छ । एक्यूआई ५० सम्म स्वस्थकर, १०१ देखि १५० सम्म सामान्य जोखिम, १५१ देखि २ सयसम्म अस्वस्थकर, २०१ देखि ३०० सम्म निकै अस्वस्थकर र ३०१ भन्दा माथि मापन भए खतरनाक तहमा पुगेको मानिन्छ ।

अन्तिम अपडेट: चैत २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्