हिमताल बढ्ने क्रम तीव्र, आफूले हेर्दा हेर्दै भयानक ताल बनेको स्थानीयवासीकाे भनाइ

चैत २०, २०८१ बुधबार १५:४:१८ | उज्यालो सहकर्मी

काठमाण्डाै – हिमाली क्षेत्रमा पछिल्ला केही दशकमै ठूला ताल बन्ने क्रम बढेको भन्दै स्थानीयवासीले चिन्ता व्यक्त गरेका छन् । आफूले देख्दा ताल नै नभएको तथा सानो भएको ठाउँमा अहिले निकै ठूला ताल बनेका उनीहरूको भनाइ छ ।

पर्यटन व्यवसायीसमेत रहनुभएका सोलुखुम्बुका आङ छिरिङ शेर्पा ६ दशकअघि आफू याक चराउन जाँदा सानो देखेको इम्जा ताल अहिले डरलाग्दो ताल बनेको बताउनुहुन्छ ।

पछिल्लो आधा शताब्दीमै उत्पन्न भएर ठूलो आकार लिएको इम्जा एक्लो ताल हैन । हिमाली क्षेत्रमा यस्ता ताल बन्ने र बढ्ने क्रम धेरै पाइन्छ । पृथ्वीको तापक्रम बढेसँगै सयौं वर्षदेखि जमेर बसेको बरफ तथा हिमनदी पग्लिएर ताल बनेका हुन् । बरफ पग्लिएर बनेको पानीले तालको आकार वर्षेनि बढिरहेको छ ।

अन्तर्राष्ट्रिय एकीकृत पर्वतीय विकास केन्द्र (इसीमोड) ले सन् २०२३ मा सार्वजनिक गरेको एउटा प्रतिवेदनले ४७ वटा ठूला हिमताल सम्भावित विस्फोटका खतरनाक रहेको देखाएको छ ।

प्रतिवेदनमा हिमतालहरूको आकार र सङ्ख्या बढिरहेको पनि उल्लेख छ । यो शताब्दीको अन्त्यसम्म हिमताल फुट्ने घटना तीन गुणाले बढ्नसक्ने र सन् २०५० बाट हिमताल विस्फोटको उच्च विन्दुमा पुग्ने चेतावनी इसीमोडको प्रतिवेदनले दिएको छ ।

तालको आकार बढेसँगै फुट्ने घटना पनि बढेका छन् । खतरनाक हिमतालको अल्पकालीन र दीर्घकालीन व्यवस्थापनसँगै फुटिहालेमा जनधनको क्षति घटनाउन पूर्वसूचना प्रणाली जडान गर्नुपर्ने शेर्पाले बताउनुभयो ।

अन्तिम अपडेट: चैत २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हिमताल बढ्ने क्रम तीव्र, आफूले हेर्दा हेर्दै भयानक ताल बनेको स्थानीयवासीकाे भनाइ

फाइल तस्वीर

तपाईको प्रतिक्रिया