स्पेनले विद्युतीय गाडी किन्दा दिइने अनुदान बढायो

चैत २०, २०८१ बुधबार १५:११:२७ | एजेन्सी

स्पेन सरकारले विद्युतीय गाडी किन्न सहयोग गर्ने ‘मुभ–३’ योजना पुनः लागू गर्ने निर्णय गरेको छ ।

यो योजना वर्षभरि लागू हुने र यसअनुसार विद्युतीय गाडी किन्दा र पुरानो गाडी हटाएमा सात हजार युरोसम्म पाउने चिनियाँ समाचार संस्था सिन्ह्वाले जनाएको छ । व्यावसायिक गाडीको हकमा भने यो रकम नौ हजार युरोसम्म हुनेछ ।

यस योजनाले गाडी किन्नेहरूलाई १५ प्रतिशत कर छुट दिनेछ जसको सीमा तीन हजार युरो छ । साथै देशभर विद्युतीय गाडी चार्ज गर्ने ठाउँ बढाउन पनि सहयोग गर्ने खबरमा उल्लेख छ ।

मन्त्रिपरिषद्को बैठकपछि यसबारे जानकारी दिँदै पर्यावरणमन्त्री सारा आगेसनले यसले विद्युतीय गाडीको माग बढाउन मद्दत गर्ने र देशको उद्योगलाई जोगाउने बताउनुभयो ।

युरोपेली संस्थाका अनुसार सन् २०२४ मा स्पेनमा एक लाख ३३ हजार ६ सय ९९ वटा विद्युतीय गाडी बिक्री भएका थिए । यद्यपि पूर्ण विद्युतीय र प्लग–इन गाडीको बिक्री अघिल्लो वर्षभन्दा ३ दशमलव ९ प्रतिशतले घटेको थियो । यी गाडीले कुल बिक्रीको ११ दशमलव ४ प्रतिशत ओगटेका थिए ।

अन्तिम अपडेट: चैत २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

स्पेनले विद्युतीय गाडी किन्दा दिइने अनुदान बढायो

तस्वीर : सामाजिक सञ्जाल

तपाईको प्रतिक्रिया