आत्महत्याबाट जोगाउन खोज्दा भएको आक्रमणमा घाइतेको मृत्यु

पुष ३, २०७५ मंगलबार ७:१८:२९ | उज्यालो सहकर्मी

दैलेख – नारायण नगरपालिका–३ भूर्तीमा आत्महत्या गर्न खोजेका व्यक्तिलाई जोगाउन खोज्दा सोमबार दिउँसो भएको आक्रमणमा घाइते महिलाको पनि ज्यान गएको छ । दैलेख जिल्ला अस्पतालमा उपचार भइरहेकी ७० वर्षीया जुवारा नेपालीको सोमबार राति ज्यान गएको प्रहरी जनाएको छ ।

आत्महत्या गर्न लागेका २६ वर्षीय बालाराम नेपालीलाई रोक्न खोज्दा कोदालोले हिकाई ४७ वर्षीया आमा पार्वती नेपालीको हत्या गरेका थिए । लगत्तै उनले घरमै बसेकी बज्यै जुवारा नेपाली र अन्य छिमेकी २ महिलालाईसमेत घाइते बनाएका थिए । घाइते ६४ वर्षीया मनधरा नेपाली र २४ वर्षीया कौशिला नेपाली सामान्य उपचारपछि घर फर्किएका थिए ।

नाम्लोले पासो लगाउन खोजेका बालारामलाई त्यसो नगर्न आमा पार्वतीले सम्झाउन खोज्दा उल्टै बालारामले आमामाथि कोदालो प्रहार गरेका थिए । जिल्ला प्रहरी कार्यालय दैलेखका इञ्चार्ज प्रहरी नायव उपरीक्षक ठाकुरप्रसाद पोखरेलको टोलीले बालारामलाई नियन्त्रणमा लिई प्रहरी हिरासतमा राखेको छ । मृतक दुवै जनाको शव पोष्टमार्टमका लागि दैलेख अस्पतालमा राखिएको छ ।

बालारामले गएको वर्ष पनि आफैँले ब्लेटले घाँटीको केही भाग रेटेर घाइते हुँदा २ महिना अस्पतालमा राखेर उपचार गरिएको थियो ।

याे पनि पढ्नुहाेस् ।

आत्महत्या गर्न गएका छोराले गरे आमाको हत्या

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्