भूकम्प पीडितको गुनासो सुनुवाइ सुस्त

पुष २९, २०७५ आइतबार १८:०:३५ | शिव ढुंगाना

ओखलढुंगा– भूकम्प पीडितले गैरलाभग्राही सूचीमा सूचिकृत भएपछि दिएका पुनरावलोकनका निवेदनको सुनुवाइ सुस्त देखिएको छ ।

राष्ट्रिय पुनर्निर्माण प्राधिकरणको पुनरावेदन समितिमा दर्ताका भएका निवेदन महिनौं वितेपछि सुनुवाइ भएका छैनन् । ०७५ असोजमै दर्ता भएका निवदेन समेत अहिलेसम्म सुनुवाइ नभएपछि भूकम्प पीडित आक्रोशित भएका छन् ।

घर भत्किएर टहरामा बसोबास गर्दै आएका पीडित घर बनाउन पाउनु पर्ने सरकारी अनुदानबाट बञ्चित भएपछि पुनरावेदन गरेका थिए । ओखलढुंगाबाट प्राधिकरणमा परेका ६ सय ५० जना पीडितको पुनरावेदन सुनुवाइ हुन सकेन ।

अधिकांशका निवेदन सनुवाइका चरणमै पुगेका छैनन् । तीन जनाको सुनुवाइ शुरु भएको तीन महिना बिते पनि टुंगोमा पुगेको छैन । चिसंखुगढीका शारदा निरौलासहितका तीनजनाको निवेदन कात्तिकबाटै सुनुवाइ चरणमा पुगे पनि अहिलेसम्म जिल्लामा सुनुवाइ सकिएको जानकारी नआएको प्राधिकरणको जिल्ला आयोजना कार्यन्वयन इकाईका सूचना अधिकारी सुनिता अधिकारीले बताउनुभयो ।

भूकम्पबाट घर भत्किएका भूकम्प पीडितले दिएका पुनरावेदन सुनुवाइ सुस्त हुँदा आक्रोशित भएका छन् । प्राविधिकले घर सर्भेक्षण गर्दा गैर लाभग्राही कायम भएका पीडितहरुले दिएका पुनरावेदन सुनुवाई सुस्त हुँदा उनीहरु आक्रोशित भएका हुन् ।

आफूहरुले दिएका निवेदन सुनुवाइ सकिए–नसकिएको जानकारी नआएको भूकम्प पीडित शारदा निरौलाले बताउनुभयो । आफूहरुलाई प्राधिकरणले अन्याय गरेको उहाँको भनाइ छ ।

गैह्र लाभग्राही कायम रहेका ओखलढुंगाका ६ सय ५० जना पीडितले पुनरावेदन दर्ता गराएका थिए । राष्ट्रिय पुनर्निर्माण प्राधिकरणमा रहेको पुनरावेदन समितिले उजुरी दर्ता गरे पनि सुनुवाइ सुस्त देखिएको छ ।

ओखलढुंगामा पुनर्निर्माण प्राधिकरणले गैह्र लाभग्राही भनेर १ हजार ६ सय जनालाई लाभग्राही सूचीबाट हटाएपछि उनीहरुले पुनरावदेन गरिरहेका छन् । पुनरावेदन सुनुवाइका बारेमा प्राधिकरणका सूचना अधिकारी मनोहर घिमिरेलाई पटक–पटक सम्पर्क गरे पनि टेलिफोन नउठाउने गरेका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्