वैदेशिक रोजगारमा जाने श्रमिकलाई टिकटमै अत्यावश्यक सुविधाको व्...
बैशाख १४, २०८१ शुक्रबार
भारत एसिया कप फुटबलको समूह चरणबाटै बाहिरिएको छ । समूह चरणको अन्तिम खेलमा बहराइनसाग पराजित भएपछि भारतको यात्रा समाप्त भयो ।
नियमित ९० मिनेटसम्म बहराइनलाई गोलरहित बराबरीमा रोकेको भारतले इन्ज्युरी समयको दोस्रो मिनेटमा पेनाल्टी ब्यहोर्न पुग्यो । पेनाल्टीलाई जमल रशिदले गोल गरेपछि भारत समूह चरणबाटै घर फर्किने पक्का भएको हो ।
बहराइनलाई बराबरीमा रोकेको भए भारत थाइल्याण्डलाई गोलअन्तरमा पछि पार्दै नकआउट चरणमा पुग्ने थियो । यसै समूहको अर्को खेलमा थाइल्याण्ड र घरेलु यूएईले १–१ गोलको बराबरीमा अंक बाँढेका छन् ।
यूएई पाँच अंक बटुल्दै समूहको विजेता बन्यो भने थाइल्याण्ड र बहराइनको चार–चार अंक भयो । तर गोल अन्तरमा बहराइन पछि पर्यो । भारतको भने तीन अंक मात्र छ ।