७ दिनदेखि २ सय ५० फीट गहिरो खाडलमा २ वर्षीय बालक: निकाल्ने प्रयास जारी

माघ ६, २०७५ आइतबार १५:२१:२५ | एजेन्सी

केही समय पहिले थाइल्याण्डका फुटबल खेलाडीहरु गुफामा फसेको घटनाले पुरै विश्व स्तब्ध भएको थियो । त्यस्तै प्रकारको एउटा घटना फेरि दोहोरिएको छ । दुई वर्षका बालक २ सय ५० फीट गहिरो खाडलमा फसेको घटनाले अहिले विश्वभरिको ध्यान खिचेको छ ।

स्पेनको मालागा भन्ने पहाडी क्षेत्रका ती बालक एक हप्तादेखि २ सय ५० फीट गहिरो खाडलमा फसेका हुन् । उनलाई त्यो खाडलबाट निकाल्नको लागि अत्याधुनिक मेसिनको प्रयोग गरिएको छ । मेसिनले खनेर ती बच्चालाई खाडलबाट निकाल्ने प्रयास भइरहेको छ ।

जुलेन रोसेलो नाम गरेका ती बालक घरबाट हराएका थिए । उनी खाना पकाइरहेका आफ्ना बुवासँगै किचेनमा थिए । रोसेलो खेल्दै बाहिर आएको उनका बुवाले कुनै चाल पाएनन् । रोसेलाेलाई नदेखेपछि परिवारका मान्छे आत्तिएर यता-उता खोज्दा कहीँ पनि भेटिएनन् । पछि उनी नजिकैको खाडलमा खसेका रहेछन् भन्ने थाहा भयो। यो अघिल्लो आइतबारको घटना हो ।

सुरुङ्ग खनेर उनलाई बचाउन खोजिएको थियो तर पहिलो प्रयास असफल भयो । त्यसपछि उद्धारमा खटिएको उद्धार टाेलीले अर्को सरुङ्ग खन्न थाल्यो । स्थानीय समाचारका अनुसार जनवरी २० अर्थात आजै ती बालकसम्म पुग्न सकिने अनुमान गरिएको छ ।

अहिलेसम्म बालकसँग भने कुनैपनि सम्पर्क भएको छैन । त्यस ठाउँमा कपाल भेटिएकाे र डीएनए परीक्षणबाट त्यो कपाल तिनै बालकको हो भन्ने पुष्टि भएको छ । ठाडो सुरुङ्ग खनिसकेपछि उद्धारकर्तालाई सुरुङ्गमा पठाइनेछ र उनीहरुले हातैले फेरि १३ फीट लामो अर्को सुरुङ्ग निर्माण गर्नुपर्नेछ । त्यसपछि मात्र ती बच्चासम्म पुग्नसकिने त्यहाँको एक समाचार स्रोतले जनाएको छ ।

अहिले विश्वका विभिन्न ठाउँबाट मानिसहरु ती बच्चाको उद्धारको लागि प्रार्थना गरिरहेका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्