कात्तिक ९ देखि पोखरा प्रिमियर लिग हुने

असार ५, २०७५ मंगलबार १८:५३:२२ | उज्यालो सहकर्मी

काठमाडौं – कात्तिकमा पोखरा प्रिमियर लिग क्रिकेट पीपीएल–२०१८, को आयोजना हुने भएको छ । प्रतियोगिता पोखरा रंगशालामा कात्तिक ९ गतेदेखि २० गतेसम्म सञ्चालन हुनेछ ।

नेपाली राष्ट्रिय क्रिकेट टोलीका प्रशिक्षक जगत टमाटा र कप्तान पारस खड्कासहित आयोजक क्वीन्स इभेन्ट म्यानेजमेन्ट प्रालिले पत्रकार सम्मेलन गरी प्रतियोगिताको मिति र लोगो पनि सार्वजनिक गरेको छ ।

टी–२० फर्म्याटमा आयोजना हुने प्रतियोगितामा देशका विभिन्न शहरको नामबाट फ्रेन्चाइज बेसमा आधारित ६ टोलीहरु हुनेछन् ।

प्रतियोगिता अक्सनमा आधारित हुनेछ । क्वीन्सका प्रवन्ध निर्देशक छुम्बी लामाले डीपीएल र ईपीएलमा समावेश भएका भन्दा कम्तिमा तीनवटा नयाँ फ्रेन्चाइज टोली समावेश गरिने जानकारी दिएका छन् ।

पहिलो पटक फ्रेन्चाइजी टोलीले यू–१६ टिम बनाउनुपर्नेछ । सबै टोलीलाई समावेश गरी जुनियर पीपीएल प्रतियोगिता पनि सञ्चालन गरिनेछ । जुनियर प्रतियोगिताका खेलहरु काठमाडौंमा हुनेछन् । फाइनल खेल भने पीपीएलका क्रममा पोखरा रंगशालामा खेलाइने आयोजक क्वीन्स इभेन्ट म्यानजेमेन्टका प्रवन्ध निर्देशक लामाले जानकारी दिए ।

प्रतियोगिताका लागि पीच निर्माण गर्न भारतीय क्युरेटर बोलाइएको र उनी जुलाई दोस्रो साता नेपाल आउने छन् ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्