पानी नपरेपछि गर्मी बढ्यो, काठमाडौंको तापक्रम ३२ डिग्री पुग्ने अनुमान

असार ६, २०७५ बुधबार ९:९:२ | उज्यालो सहकर्मी

काठमाडौं - पानी नपरेपछि काठमाडौं उपत्यकासहित देशभर नै गर्मी बढेको छ ।

यसवर्ष मनसुन समयमै भित्रिए पनि ठूलो पानी नपरेकाले गर्मी बढेको मौसमविद्ले बताएका छन् । पूर्वको तुलनामा मध्य र पश्चिमी क्षेत्रमा गर्मी धेरै छ ।

काठमाडौंमा अस्ति सोमबार ३० दशमलव २ डिग्री सेल्सियस पुगेको तापक्रम बढेर हिजो ३१ डिग्री सेल्सियससम्म पुगेको छ ।

आज ३२ डिग्री सेल्सियससम्म पुग्न सक्ने मौसमविद्को अनुमान छ ।

नेपालगंजमा तापक्रम ३९ डिग्रीसम्म पुगेको छ । सिमरा, भैरहवा, धनगढी र दिपायलको तापक्रम ३८ डिग्रीभन्दा माथि पुगिसकेको छ । विराटनगर, धरान र वीरेन्द्रनगरको तापक्रम ३४ डिग्री भन्दा माथि छ ।

पूर्वको तुलनामा पश्चिममा तापक्रम धेरै बढेको र आज हिजोको तुलनामा एक डिग्रीसम्म तापक्रम बढ्न सक्ने मौसमविद्ले बताएका छन् । अझै केही दिन ठूलो पानी पर्ने सम्भावना नभएकाले गर्मी अझै बढ्न सक्ने मौसमविद् गंगा नगरकोटीले बताउनुभयो ।

पश्चिमी वायु सक्रिय भएका कारण मनसुन सक्रिय हुन नसकेको मौसमविद् नगरकोटीले जानकारी दिनुभयो ।

उहाँका अनुसार मनसुनी वायु सक्रिय हुनका लागि पूर्वी वायूको प्रभावले पश्चिमी वायु कमजोर हुनुपर्दछ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्