कौशलटार-बिरुवा सडक विस्तार सुरु

माघ २४, २०७५ बिहीबार २०:१६:२२ | उज्यालो सहकर्मी

भक्तपुर – प्रदेश सरकारको एक करोड रुपैयाँको लागतमा विस्तार हुन लागेको सिरुटार बिरुवा सडकको प्रदेश नं. ३ का सदस्य शशीजंग थापाले शिलन्यास गर्नुभयो ।

भक्तपुर र ललितपुर जिल्ला जोड्ने भक्तपुरको सूर्यविनायक नगरपालिका १, सिरुटार, २ बालकोट र ललितपुरको महालक्ष्मी नगरपालिका चाँगाथली र टीकाथली जोड्ने गुप्तेश्वर मन्दिरसँगै रहेको खोलाबाट बिरुवा पुग्ने त्यस सडकको विस्तार कार्य बिहीबारबाट सुरु भएको हो ।

कौशलटार–बिरुवा सडक खण्ड अन्तर्गत बालकोट पुलदेखि बिरुवासम्मको सडकको दायाँबायाँ पर्खाल लगाउने र ३६ फिटको चौडाइ बनाउने गरी सडक विस्तार कार्यको सुरुवात गरिएको प्रदेश सभा सदस्य थापाले बताउनुभयो ।

सिरुटारमा खानेपानी, सडक र ढलको व्यापक बिस्तार गरी नमुना र सुबिधा सम्पन्न सिरुटार बनाउने अभियान नै आफूले सुरु गरेको भन्दै उहाँले प्रदेश सरकारबाट बिनियोजित एक करोड रकमले सिरूटार सिमानाबाट बिरुवासम्मको सडकलाई स्तरोन्नती गरिने बताउनुभयो ।

कार्यक्रममा सूर्यविनायक नगरपालिका १ का वडा अध्यक्ष सानुकाजी कायस्थले जीर्ण बनेको बालकोट सिरुटार जोड्ने पुल समेत यसवर्ष नयाँ बन्ने बताउनुभयो ।
एक करोड रुपैयाँको लागतमा निर्माण हुन लागेको पुलको टेण्डर भईसकेको उहाँले बताउनुभयो ।

संघीय सरकार अन्तरगतको डोलिडारमार्फत विनियोजित पाँच करोडको लागतले सो सडकमा ढल र फुटपाथ बनाइने पनि बताइएकाे छ ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्