काष्ठमण्डप पुनर्निर्माण : थाम गाडेर सुरु भयो मुख्य काम

माघ २७, २०७५ आइतबार १६:१८:२७ | उज्यालो सहकर्मी

काठमाण्डौ – गोरखा भूकम्पले ध्वस्त भएको ऐतिहासिक सम्पदा काष्ठमण्डप पुनर्निर्माणको मुख्य काम आइतबारबाट सुरु भएको छ ।

२०७२ वैशाख १२ को महाभूकम्पले पूर्णरुपमा ढलेको हनुमान ढोका दरबार क्षेत्रको काष्ठमण्डपका चारवटा मूल थाम ठड्याइएपछि मुख्य काम थालिएको हो । जेठ ३१ गतेबाट औपचारिक रुपमा पुनर्निर्माणको काम थालिएको करिब आठ महिनापछि मात्र पुनर्निर्माण समितिले काष्ठमण्डपको चारवटा थाम राखेपछि पुनर्निर्माणले मूर्त रुप लिएको हो ।

काष्ठमण्डप पुनर्निर्माणको क्रममा जगको काम सकिएसँगै आइतबार काठमाण्डौ महानगरपालिकाका प्रमुख विद्यासुन्दर शाक्य तथा वसन्तपुरबासीले थाम र निनाको विशेष पूजा–आजा गरी ठड्याइएको छ ।

काठमाण्डौ महानगरपालिकाको साढे पाँच करोड आर्थिक सहयोगमा पुनर्निर्माणको काम भइरहेको छ । विश्व सम्पदा सूचीमा सूचीकृत तथा मौलिक र ऐतिहासिक सम्पदासमेत भएकोले यसको पुनर्निर्माण पुरानै ढाँचामा तीन तला हुने पुनर्निर्माण समितिले बताएको छ ।

भूकम्प गएको लामो समयसम्म काष्ठमण्डप कस्तो बनाउने कस्ले बनाउने विवाद थियो तर अहिले काठमाण्डौ महानगरपालिका तथा जनस्तरबाटै गर्न लागिएको छ ।
पुनर्निर्माणका लागि समितिको महानगरपालिकासँग सम्झौता भएसँगै गत कार्तिक २२ गते काष्ठमण्डपको शिलान्यास गरिएको थियो ।

तस्बिर-काष्ठमण्डप पुनर्निर्माण समिति

अन्तिम अपडेट: फागुन २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

काष्ठमण्डप पुनर्निर्माण : थाम गाडेर सुरु भयो मुख्य काम

फाइल फाेटाे

तपाईको प्रतिक्रिया