कर्मचारी तथा जनप्रतिनिधिले बैठकभत्ता, इन्धन र सञ्चारमा १५ लाखभन्दा बढी रकम खर्चिए

फागुन ३०, २०७५ बिहीबार १२:५६:४ | उज्यालो सहकर्मी

महोत्तरी – गौशाला नगरपालिकाका कर्मचारी तथा जनप्रतिनिधिहरुले सञ्चार, इन्धन र बैठकभत्तावापत वार्षिक रुपमा १५ लाखभन्दा बढी रकम खर्चिएको हो ।

नगरपालिका स्रोतले दिएको जानकारी अनुसार आर्थिक वर्ष २०७४, ०७५ मा त्यहाँका कर्मचारी र प्रतिनिधिले इन्धन खर्चवापत २ लाख ८५ हजार १ सय ६८, सञ्चारखर्च टेलिफोनवापत २ लाख ३६ हजार र विभिन्न समयमा बसेको बैठक भतावापत ११ लाख ५६ हजार ४ सय रुपैयाँ बराबरको रकम भुक्तानी गरिएको जनाएको छ ।

गएको असारमा प्रदेश कानुन बनेपछि साउनयता बैठकभता नगरपालिकाले उपलब्ध नगराए पनि सञ्चार र इन्धन खर्च भने लिँदै आएको नगरपालिकाको लेखा स्रोतले जनाएको छ ।

गौशाला नगरकार्यपालिकाको बैठकले सञ्चार खर्च स्वरुप मासिक रुपमा नगर प्रमुखलाई २ हजार, उपप्रमुखलाई १ हजार ५ सय र वडाअध्यक्ष तथा कार्यपालिका सदस्यलाई १ हजारका दरले रकम उपलब्ध गराउने निर्णय गरिएको हो ।

त्यस्तै इन्धनवापत मासिक रुपमा नगरप्रमुखका लागि २ सय लिटर, उपप्रमुखका लागि १ सय ९० लिटर, वडाअध्यक्षका लागि ६० लिटर, कार्यपालिका सदस्यलाई ३५ लिटर, वडा सचिव, शाखा प्रमुख, फिल्डका कर्मचारीलाई ३० लिटर वा लकबुकको आधारमा डिजेल वा पेट्रोल उपलब्ध गराउने निर्णय बैठकले पारित गरिएको थियो ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्