४२ स्थानीय तहमा अझै पुगेनन् बैंक, कुन प्रदेशको अवस्था के ?

चैत २, २०७५ शनिबार १२:३:६ | उज्यालो सहकर्मी

काठमाण्डौ – नेपाल राष्ट्र बैंकले यसै आर्थिक वर्षभित्र सबै स्थानीय तहमा वाणिज्य बैंक पु¥याउने घोषणा गरे पनि अहिलेसम्म अझै ४२ वटा स्थानीय तहमा बैंकका शाखा पुग्न सकेका छैनन् ।

राष्ट्रबैंकले सार्वजनिक गरेको चालु आर्थिक वर्षको सात महिनाको वित्तीय अवस्थाको प्रतिवेदनले सात सय ५३ स्थानीय तहमध्ये सात सय ११ वटा स्थानीय तहमा मात्रै वाणिज्य बैंकको शाखा पुगेको देखाएको छ ।

राष्ट्र बैंकको प्रतिवेदनअनुसार प्रदेश एकमा १ सय ३७ वटा स्थानीय तह रहेकोमा एक सय २९ स्थानीय तहमा वाणिज्य बैंकको शाखा पुगेको छ ।

यस्तै प्रदेश दुईमा एक सय ३६ स्थानीय तह रहेकोमा चालु आर्थिक वर्षको सात महिनासम्म एक सय ३३ स्थानीय तहमा बैंकको शाखा पुगेको छ । प्रदेश दुईका तीन स्थानीय तहमा अझै बैंकका शाखा पुग्न सकेका छैनन् ।

यस्तै प्रदेश तीनमा एक सय १९ वटा स्थानीय तह रहेकोमा १ सय १४ वटा स्थानीय तहमा वाणिज्य बैंकका शाखा पुगेका छन् । यस्तै गण्डकी प्रदेशमा ८५ वटा स्थानीय तह रहेकोमा ८२ वटा स्थानीय तहमा वाणिज्य बैंकको शाखा पुगेको छ । ३ वटामा पुगेको छैन ।

प्रदेश पाँचमा एक सय ९ वटा स्थानीय तह रहेकोमा एक सय सात वटा तहमा बैंकको शाखा पुगेको छ ।

कर्णाली प्रदेशमा ७९ वटा स्थानीय तह रहेकोमा ६४ वटा स्थानीय तहमा बैंक पुगेको छ । कर्णाली प्रदेशमा १५ वटा स्थानीय तह बैंकविहीन छन् ।

यस्तै सूदुरपश्चिम प्रदेशमा ८८ वटा स्थानीय तह रहेकोमा चालु आर्थिक वर्षको सात महिनामा ८२ स्थानीय तहमा वाणिज्य बैंकका खाता पुगेको नेपाल राष्ट्रबैंकले जनाएको छ ।

चालु आर्थिक वर्षको सात महिनासम्म राष्ट्र बैंकबाट इजाजतप्राप्त बैंक तथा वित्तीय संस्थाको संख्या १ सय ५७ पुगेको छ । २८ वाणिज्य बैंक, ३३ विकास बैंक, २४ वित्त कम्पनी र ७२ लघुवित्त वित्तीय संस्थाहरु सञ्चालनमा रहेका छन् ।

बैंक तथा वित्तीय संस्थाहरुको शाखा संख्या २०७५ असार मसान्तमा ६ हजार ६ सय ५१ रहेकोमा २०७५ माघ मसान्तमा ७ हजार ७ सय ३१ पुगेको छ ।

अन्तिम अपडेट: फागुन १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्