रेलिगेशन जोनमा रहेको हडर्सफिल्ड टाउनले गुमायाे तीन अंक जोड्ने मौका

चैत ३, २०७५ आइतबार ६:४९:४१ | उज्यालो सहकर्मी

इंग्लिस प्रिमियर लिगको रेलिगेशन जोनमा रहेको हडर्सफिल्ड टाउनले तीन अंक जोड्ने मौका गुमाएको छ ।

वेष्टह्याम युनाइटेडविरुद्धको खेलमा ३–१ ले अघि रहेको अवस्थामा सम्हालिन नसक्दा हडर्सफिल्ड ४–३ ले पराजित भयो । वेष्टह्यामको मैदानमा भएको खेलमा जावियर हर्नाण्डेजले दुई गोल गर्दै वेष्टह्यामलाई महत्वपूर्ण तीन अंक दिलाए ।

१५औं मिनेटमा मार्क नोबलले पेनाल्टीमा गोल गर्दै वेष्टह्यामलाई अग्रता दिलाएका थिए । त्यसको दुई मिनेटपछि नै जुनिन्हो बाकुनाले गोल गर्दै खेल बराबरीमा पुर्‍याए । ३०औं मिेनटमा हडर्सफिल्डका लागि अहार्ने ग्रान्टले गोल गरेपछि हडर्सफिल्डले खेलमा अग्रता लियो ।

पहिलो हाफमा २–१ को अग्रता लिएको हडर्सफिल्डका लागि ग्रान्टले ६५औं मिनेटमा ब्यक्तिगत दोस्रो गोल गर्दा टिमले ३–१ को अग्रता लियो ।तर वेष्टह्यामले हिम्मत हारेन । ७५औं मिनेटमा ओग्बोन्नाले गोल गरेपछि वेष्टह्यामले अन्तर ३–२ मा झार्‍याे ।

८४औं मिनेट र इन्ज्युरी समयमा जाभियर हर्नाण्डेजले गोल गरेपछि वेष्टह्यामले ४–२ को जित निकालेको हो । जितसँगै वेष्टह्याम ४२ अंक जोड्दै प्रिमियर लिग तालिकाको नवौं स्थानमा उक्लिएको छ ।

प्रिमियर लिग अन्तर्गत भएको अर्काे खेलमा लेस्टर सिटीले बर्नलेमाथि २–१ को जित निकालेको छ । एएफसी बर्नमाउथ र न्यूक्यासल युनाइटेडवीचको खेल भने २–२ गोलको बराबरीमा सकियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्