भारतीय दूतावासको सहयोगमा निर्माण सुरु भएको विद्यालयको भवन ७ वर्षमा पनि पूरा भएन

चैत ३, २०७५ आइतबार ११:३७:४४ | उज्यालो सहकर्मी

महोत्तरी – महोत्तरीको रामगोपालपुरमा रहेको महेन्द्र राष्ट्रिय माध्यमिक विद्यालयका भवन निर्माण कार्य सुरु भएको ७ वर्ष बित्दासमेत अहिलेसम्म पनि पूरा हुन सकेको छैन ।

भारतीय दूतावासको आर्थिक स्रोतमा विसं २०६८ सालदेखि निर्माणको काम सुरु भएको यो विद्यालयको भवन अहिले पनि अधुरा छन् । २ करोड २४ लाख ३७ हजार २ सय ५ रुपैयाँमा दुईतले २२ कोठे भवन निर्माण गर्ने सम्झौता गरेको काठमाण्डौको कोशी एण्ड न्यौपाने हरि हरि जेभीले निर्माण कार्य अधुरो छाडेपछि भवन अलपत्र अवस्थामा छ ।

एक वर्षमा निर्माण कार्य सम्पन्न गर्ने गरी यो कम्पनीले २०६८ साल मंसिर २० गते भारतीय दूतावाससँग सम्झौता गरे पनि कम्पनीले तोकिएको समयसीमाभित्र भवन निर्माण सम्पन्न नगरेको विद्यालय व्यवस्थापन समितिका अध्यक्ष हिरा मण्डलले बताउनुभयो ।

त्यसपछि म्याद थप गरी २०७० साल जेठ १९ गतेसम्म विद्यालय भवन निर्माण सम्पन्न गर्नका लागि समयसीमा तोकिएको थियो । भवन निर्माण गर्ने क्रममा कम्पनीले गुणस्तरहीन सामाग्री प्रयोग गरेको भन्दै स्थानीयले काममा अवरोध पारेपछि भवन निर्माण कार्य अगाडि बढ्न सकेन ।

त्यतिबेलाम्म यो कम्पनीले काम गरेवापत ६९ लाख ८७ हजार रकम बराबरको भुक्तानी लिइसकेको रामगोपालपुर नगरपालिकाको कार्यालयले जनाएको छ ।

नगरप्रमुख अशोक कुमार मण्डलले यस सम्बन्धमा आफूले बारम्बार शिक्षा मन्त्रालयसमक्ष अधुरा भवन निर्माण सम्पन्न गर्नका लागि पहल गर्दै आइरहेको जानकारी दिनुभयो ।

अन्तिम अपडेट: फागुन १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्