उदयपुरको तीन ठाउँमा आगलागी, २३ लाख बराबरको क्षति

चैत ४, २०७५ सोमबार ६:३४:१० | उज्यालो सहकर्मी

उदयपुर – उदयपुरको तीन छुट्टाछुट्टै ठाँउमा आगलागी हुँदा २३ लाख बराबरको क्षति भएको छ । जिल्ला प्रहरी कार्यालय उदयपुरका अनुसार आइतबार जिल्लाको ताप्ली गाउँपालिका –५, रौतामाई गाउँपालिका –२ र बेलका नगरपालिका –५ मा आगालागी भएको हो ।

ताप्ली गाउँपालिका –५ मा शारदकुमार भुजेलको घरमा आगलागी हुँदा ८२ हजार नगद र चाँदी १० तोलासहित घर पूर्ण रुपमा जल्दा १४ लाख बराबरको क्षति भएको जिल्ला प्रहरी कार्यालयका प्रहरी प्रमुख चन्द्रदेव राईले जानकारी दिनुभयो ।

यसैगरी रौतामाई गाउँपालिका–२ जोगिडाँडाका मिन्द्रमाया जोगीको घरमा सोलार लाइन सर्ट भई आगलागी भएको थियो । आगलागीमा काठको २ तले घर, घरमा पालेको ३० वटा परेवा, कुखुरा, तीन लाख रुपैयाँ र घरभित्र रहेको अन्नपात लत्ताकपडा, काठपात जलेर सात लाख बराबरको क्षति भएको एसपी राईले बताउनुभयो ।

यसैगरी बेलका नगरपालिका ५ का भक्तबहादुर विष्टको काठे घरमा पनि विद्युत सर्ट भएर आगोलागी भएको आगोमा परी काठको २ तले घर, ग्वाली जल्दा दुई लाख क्षति भएको छ ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्