साफ महिला च्याम्पियनसिप : श्रील‌ंकालाई जितेर फाइनल पुग्ने नेपालकाे दावी

चैत ५, २०७५ मंगलबार १३:३३:४३ | उज्यालो सहकर्मी

साफ महिला च्याम्पियनसिपको पहिलो सेमिफाइनलमा बुधबार नेपाल र श्रीलंका प्रतिस्पर्धा गर्दैछन् ।विराटनगरको शहीद रंगशालामा हुने सेमिफाइनल दिउँसो एघार बजे हुनेछ । सेमिफाइनल जितेर फाइनलमा पुग्ने लक्ष्यकासाथ बुधबार मैदानमा उत्रिने नेपाली टिमका प्रशिक्षक हरि खड्का र कप्तान निरु थापाले बताएका छन् । प्रतियोगिताको चार संस्करण सकिँदासम्म नेपाल तीन पटक उपविजेतामा सीमित भएको छ भने एक पटक सेमिफाइनलमा पराजित भएको थियो ।

घरेलु मैदानमा भइरहेको प्रतियोगिताको उपाधि जित्दै ट्रफी घरमै राख्ने लक्ष्यमा नेपाली टिम छ । प्रशिक्षक हरि खड्काले श्रीलंकाविरुद्धको फाइनलका लागि नेपाली टिम शारिरीक र मानसिक दुवै रुपमा तयार रहेको प्रतिक्रिया दिए । ‘विपक्षीलाई कहिले पनि कमजोर मान्न त हुँदैन । तर प्रतियोगितालाई हेर्दा हामी अलि बलियो देखिएका छौं,’ प्रशिक्षक खड्काले विपक्षीलाई सम्मान गरेर अभ्यासका क्रममा सिकेका कुराहरुलाई अवलम्बन गर्ने प्रतिक्रिया दिए । ‘यो प्रतियोगितामा हामी पनि दाबेदारका रुपमा छौं । मेरो विचारमा बुधबार श्रीलंकाले डिफेन्सिभलाई जोड दिएर काउन्टर एट्याकमा खेल्छ जस्तो लाग्छ,’ श्रीलंकाको डिफेन्सिभ सेटलाई तोडेर जित निकाल्ने लक्ष्य प्रशिक्षक खड्काले सुनाए ।

बिहानको एघार बजे हुने भएकाले विराटनगरको अत्याधिक गर्मीले दुबै टिमलाई केही असहज भने पक्कै हुनेछ । तर गर्मीले कुनै प्रभाव नपार्ने प्रशिक्षकको भनाई छ,‘यो हाम्रो देश हो, हाम्रो मातृभूमि हो । हामी ठूलो मिसन लिएर हिँडेका छौं, मौसमले हामीलाई फरक पार्ने छैन ।’ प्रशिक्षक खड्काले खेलाडीहरु सबै फिट रहेको र एट्याकिङ फुटबल खेल्ने प्रतिक्रिया दिए,‘उपाधि जित्ने लक्ष्य लिएर आएका छौं, सेमिफाइनल पक्कै जित्छौं ।

हाम्रो हतियार स्ट्राइकिङ लाइन हो । कप्तान निरु थापाले भने नेपाली टिम डिफेन्स, मिडफिल्ड र एट्याकिङ सबै पक्षमा राम्रो रहेको प्रतिक्रिया दिइन् । तर पनि मेहनत गर्नु पर्ने कप्तान थापाको भनाई छ । ‘पहिलाको तुलनामा श्रीलंका अहिले राम्रो भएर आएको छ । उनीहरुभन्दा हाम्रो टिम राम्रो छ,’ कप्तान थापाले थपिन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्