अन्तर्राष्ट्रिय क्रिकेट स्टेडियमका लागि सहयाेग जुटाउन मातृभूमि कप, कप्तान पारस र उपकप्तान ज्ञानेन्द्रकाे टिम खेल्ने

चैत ५, २०७५ मंगलबार १३:४५:५५ | उज्यालो सहकर्मी

काठमाण्डाै - चितवनमा निर्माण गर्न लागिएको गौतम बुद्ध अन्तर्राष्ट्रिय क्रिकेट स्टेडियमका लागि फण्ड जुटाउने उद्देश्यले च्यारिटी खेल आयोजना गरिने भएको छ ।

निर्माणको जिम्मा लिएको धुर्मुस सुन्तली फाउण्डेशनले आउँदाे २३ गते त्रिवि क्रिकेट मैदान कीर्तिपुरमा नेपाल ‘ए’ र नेपाल ‘बी’ का बीचमा ‘मातृ भूमि कप’ मैत्रीपूर्ण क्रिकेट प्रतियोगिता आयोजना गर्न लागेको मंगलबार काठमाण्डाैमा आयोजित पत्रकार सम्मेलनमा जानकारी गराइएको छ । नेपाल ‘ए’को नेतृत्व राष्ट्रिय टिमका कप्तान पारस खड्का र ‘बी’को नेतृत्व उप-कप्तान ज्ञानेन्द्र मल्लले गर्ने छन् ।

त्यसअघि कलाकारहरुका बीचमा पनि प्रतिस्पर्धा हुने पत्रकार सम्मेलनमा फाउण्डेशनका अध्यक्ष सिताराम कट्टेल धुर्मुसले जानकारी दिए । प्रतियोगिता हेर्नका लागि टिकटको व्यवस्था गरिएको छ । जसमा टिकटकाे मूल्य ३ हजार एक सय तोकिएको पनि जनाइएको छ ।

पारसले कप्तानी गरेको टिम ‘ए’मा सरद भेषावकर, अनिलकुमार साह, ललितनारायण राजवंशी, सोमपाल कामी, अविनाश बोहोरा, सन्दीप जोरा, रोहितकुमार पौडेल, सुनिल धमला, कमलसिंह ऐरी, आरिफ शेख र भुवन कार्की रहेका छन् ।

यसैगरी ज्ञानेन्द्रले कप्तानी गर्ने टिम ‘बी’मा विनोद भण्डारी, दीपेन्द्रसिंह ऐरी, बसन्त रेग्मी, करण केसी, ललित भण्डारी, भीम सार्की, पवन शर्राफ, विक्रम शोब, सुशन भारी, दिलिप नाथ र प्रदीप ऐरी रहेका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्