महिला साफ च्याम्पियनसिप फुटबल : सेमिफाइनलमा नेपाल र श्रीलंका, भारत र बंगलादेश खेल्दै

चैत ६, २०७५ बुधबार ७:३९:४१ | उज्यालो सहकर्मी

विराटनगरमा भैरहेकाे पाँचौ महिला साफ च्याम्पियनसिप फुटबलको सेमिफाइनल खेल बुधबार हुँदैछ । पहिलो सेमिफाइनलमा नेपाल र श्रीलंका तथा दोस्रो सेमिफाइनलमा भारत र बंगलादेश आमने सामने हुने छन् ।

नेपाल समूह ए को विजेताको हैसियतमा सेमिफाइनल प्रवेश गर्दा श्रीलंका समूह बी को उप विजेता बनेको थियो । यसैगरी समूह बी बाट विजेता बनेको भारत र समूह ए को बंगलादेश उप विजेता बनेको थियो ।

शहीद रंगशालामा हुने सेमिफाइनलका विजेताले उपाधिका लागि भिडन्त गर्ने छन् । समूह चरणमा नेपालले भुटान र बंगलादेश माथि ३–० को जित निकाल्न सफल भएको थियो ।

श्रीलंका विरुद्धको खेलमा नेपालले विपक्षीलाई कमजोर रुपमा नलिएको कप्तान निरु थापाले बताएकी छिन् । नेपाल र श्रीलंकाबीचको खेल बिहान ११ बजेदेखि शुरुहुने छ ।

यस्तै लगातार पाँचौं उपाधि उचाल्ने होडमा रहेको भारतको प्रदर्शन यस पटक पनि उच्च रहेको छ । समूह चरणमा फराकिलो जित निकालेकाले पनि बुधबार नै हुने दोस्रो सेमिफाइनलमा बंगलादेशविरुद्ध पनि समूह चरणको जस्तै प्रदर्शन गर्ने अपेक्षा गरिएको छ ।

भारत र बंगलादेशबीचको खेल दिउँसो ३ बजेपछि सुरु हुने छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्