क्षतिपूर्तिमा कुरा नमिल्दा एक्स्काभेटर दुर्घटनामा ज्यान गुमाएका चालकको शव उठेन

चैत ७, २०७५ बिहीबार १८:३१:५८ | शिव ढुंगाना

ओखलढुंगा – बुधबार मानेभञ्ज्याङ गाउँपालिकामा भएको एक्स्काभेटर दुर्घटनामा ज्यान गुमाएका चालकका परिवारलाई क्षतिपूर्ति दिने विषयमा सहमति नहुँदा आफन्त र स्थानीयले शव उठाउन मानेका छैनन् ।

मृतकका परिवारले शव उठाउन नमान्दा शव पोस्टमर्टम तथा दाहसंस्कारसमेत हुन सकेको छैन ।

सोलु करिडोरको विद्युत प्रसारण आयोजनाको पोल गाड््ने स्थल निर्माणका क्रममा एक्स्काभेटर दुर्घटना हुँदा चालक सुनकोशी गाउँपालिका ४ का १८ वर्षीय जीवन श्रेष्ठको ज्यान गएको थियो ।

दुर्घटनापछि आफन्त र स्थानीय क्षतिपूर्ति नपाएसम्म शव उठाउन मानेका थिएनन् । बिहीबार साँझसम्म स्थानीय, पीडित परिवार र सरोकारवालाबीच जिल्ला प्रहरी कार्यालय ओखलढुंगामा छलफल भइरहेको स्थानीय नबराज खड्काले बताउनुभयो । खड्काका अनुसार क्षतिपूर्ति कसरी दिलाउने भन्ने विषयमा छलफल भइरहेको छ । क्षतिपूर्तिको सहमति भएपछि मात्रै शव पोस्टमर्टम गरिने खड्काले जानकारी दिनुभयो ।

मंगलबार साँझ करिडोरको टावर (पोल) निर्माण स्थल खन्ने क्रममा ना १ क ७७९४ नम्बरको एक्स्काभेटर दुर्घटनामा परेको थियो । दुर्घटनासँगै हराइरहेका चालकको शव बुधबार बिहान फेला परेको थियो । आयोजनाका प्रतिनिधि र सरोबारवाला राखेर सहमति गरिने प्रहरीले जनाएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्