काठमाण्डौको सडकमा अर्काे हप्तादेखि मात्र ब्रुमर सञ्चालनमा आउने

चैत ८, २०७५ शुक्रबार ९:३०:० | उज्यालो सहकर्मी

काठमाण्डौ – काठमाण्डौ महानगरपालिका र सडक विभागको सहकार्यमा धुलो संकलन गर्ने ब्रुमर (यान्त्रिक कुचो) अर्काे हप्तादेखि सञ्चालनमा आउने भएको छ ।

बिहीबारदेखि सञ्चालनमा ल्याउने भनिए पनि केही तयारी बाँकी भएकाले अर्को हप्तादेखि सञ्चालनमा ल्याउने तयारी भएको महानगरपालिकाले जनाएको छ । गएको सोमबार इटालीबाट ५ वटा ब्रुमर काठमाण्डौ भित्र्याइएको थियो ।

‘ब्रुमर सञ्चालनका लागि प्रतिवेदनको काम भइरहेको छ । सम्भवतः आगामी सोमबारसम्म यसले पूर्णता पाउनेछ र त्यसपछि औपचारिक रुटमा ब्रुमरले काठमाण्डौको सडकको धुलो संकलन गर्नेछ,’ महानगरपालिकाका सूचना अधिकारी वसन्त आचार्यले उज्यालो अनलाइनसँग भन्नुभयो ।

महानगरपालिकाले मगाएको ५ वटा ब्रुमरमध्ये चारवटाको १६ टन क्षमता छ भने बाँकी एउटाको ६ टन क्षमता रहेको छ । ती ब्रुमरहरुले दिनमा १० किलोमिटरसम्मको धुलो संकलन गर्ने काठमाण्डौ महानगरपालिकाले जनाएको छ । यसअघि पुराना २ ब्रुमर बिग्रिएर थन्कने अवस्थामा पुगेपछि महानगरले १० करोड ८० लाख रुपैयाँको खर्चमा इटाली कम्पनीको ५ वटा ब्रुमर भित्र्याएको हो ।

ब्रुमर सञ्चालनमा आएपछि धुलोमुक्त महानगरको सपना पूरा हुने महानगरपालिकाले दावी गरेको छ । ब्रुमरको प्रभावकारिता हेरेर आउँदा दिनमा यसमा थप गर्न सकिने महानगरले जनाएको छ ।

अन्तिम अपडेट: फागुन १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्