आन्ध्र प्रदेश स्टेटले नेपाली युवा टिमलाई ७२ रनले हरायाे

चैत ८, २०७५ शुक्रबार १७:२६:३९ | उज्यालो सहकर्मी

आईसीसी यू १९ विश्वकपको एसिया क्षेत्रीय छनोटको थप तयारीका लागि भारतमा रहेको नेपाली युवा टिमले दोस्रो अभ्यास खेलमा हार व्यहोरेको छ ।

पहिलो खेलमा ६२ रनले विजयी भएको नेपाली युवा टिमले दोस्रो खेलमा ७२ रनको हार व्यहाेर्‍यो ।

नेपाली युवा टिमविरुद्ध आन्ध्र प्रदेशको टिमले ४९ ओभर तीन बलमा २८९ रन बनाउँदा अलआउट भयो । आन्ध्र प्रदेशका लागि पी तपश्वीले सर्वाधिक ११६ रन बनाएका थिए । त्यस्तै हर्षवर्द्धनले ३३ रन बनाउँदा हेमन्त रेड्डी र के बेङ्कटेशले २३-२३ रन बनाए ।

नेपालका लागि सूर्य तामाङले ३ विकेट लिँदा प्रितस जिसी, आकाश चन्द, शेर मल्ल र कुशल मल्लले एक-एक विकेट लिए ।

जवाफमा नेपाली युवा टिम ४५ ओभर दुई बलमा २१७ रनमा अलआउट भयो । नेपालका लागि रासिद खानले ३४ तथा कुशल मल्लले ३०, आशिफ शेखले २५ अविषेक बस्नेतले २३ र रित गौतमले २१ रन बनाए पनि टिमलाई हारबाट बचाउन सकेनन् ।

आन्ध्र प्रदेशका लागि हेमन्त रेड्डीले चार विकेट लिए ।

आईसीसी यू-१९ विश्वकप क्रिकेटको एसिया छनोटका लागि विशेष तयारी गर्न नेपाली यू-१९ क्रिकेट टोलीले भारतको आन्ध्र प्रदेशमा रहेकाे छ । अप्रिल दोस्रो साताबाट आयोजना हुने एसिया छनोटमा नेपालसहित ६ टोलीले प्रतिस्पर्धा गर्ने छन्

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्